Ստեփանծմինդա-Լարս ավտոճանապարհը փակ է կցորդիչով բեռնատարների համար

Արմինֆո. Հունվարի 25-ի առավոտյան դրությամբ Հայաստանի տարածքում կան փակ և դժվարանցանելի ավտոճանապարհներ։

Հայաստանի ՆԳՆ Փրկարար ծառայության հաղորդագրության համաձայն, մինչև փետրվարի 15-ը ճանապարհի վերանորոգման աշխատանքներով պայմանավորված Մ-6 մայրուղու Վանաձոր-Ալավերդի ճանապարհահատվածի մոտ 38-40-րդ կմ փակ է լինելու ավտոբուսների և կցորդով կամ կիսակցորդով բեռնատար ավտոմեքենաների համար։ Շրջանցիկ ավտոճանապարհը կգործի Նոյեմբերյան քաղաքով։ Հավելյալ տեղեկատվության համար կարելի է անցնել

https://armroad.am/am/news/inner/News_29.12.2023 հղումով:

Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները:

Փակ է Ֆանտան-Ջրաբեր ավտոճանապարհը։ Ստեփանավանի ոլորանները, Վարդենյաց լեռնանցքը, Տավուշի մարզի ավտոճանապարհները, Վանաձոր-Ալավերդի, Վանաձոր-Դիլիջան, Բերդ-Ճամբարակ, Ջերմուկի խաչմերուկից դեպի Ջերմուկ քաղաք, Սյունիք գյուղից դեպի «Զանգեր» և «Մեղրու Սար» կոչվող հատվածները փակ են կցորդիչով բեռնատարների համար:

Վարդենյաց լեռնանցքը, «Մեղրու Սար» կոչվող հատվածը և Ամասիա-Բերդաշեն ավտոճանապարհները դժվարանցանելի են բոլոր տեսակի տրանսպորտային միջոցների համար։

Հրազդան քաղաքում տեղում է ձյուն։ Երևան-Սևան ավտոճանապարհի 24-30 կմ-ին մառախուղ է:

Տաթև գյուղում բուք է:

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է կցորդիչով բեռնատարների համար։ Վարորդներին խորհուրդ է տրվում երթևեկել բացառապես ձմեռային անվադողերով։