Հայաստանի արդյունաբերական արտադրության ծավալները 2023 թվականի արդյունքներով կազմել են 7 մլրդ դոլար

Արմինֆո. Հայաստանի արդյունաբերական հատվածի տարեկան աճի տեմպերը դանդաղել են 7,9%-ից մինչեւ 4,1%՝ 2023 թվականի հունվար-դեկտեմբերին կազմելով 2,7 տրլն դրամ (7 մլրդ դոլար)։ Այդ մասին են վկայում ՀՀ վիճակագրական կոմիտեի տվյալները, որոնց համաձայն, միայն դեկտեմբեր ամսվա ընթացքում արդյունաբերական արտադրության ծավալներն աճել են 11,6% - ով ՝ մինչև 364,6 մլրդ դրամ (900,8 մլն դոլար)։

Հանքարդյունաբերության և բաց հանքերի մշակման ոլորտում 2023թվին 2022թվի համեմատ անկումն արագացել է մինչև 6,4% (մեկ տարի առաջվա 3,2% - ից)՝ ապահովելով 463.2 մլրդ դրամ ծավալ։ Միայն դեկտեմբերին հանքարդյունաբերության հատվածն ապահովել է 35 մլրդ դրամ արտադրության ծավալ ՝ ամսական 7,9% աճով։

Մշակող արդյունաբերության ծավալի տարեկան աճի տեմպերը դանդաղել են՝ 13,5%-ից մինչեւ 6,7%՝ կազմելով 1,9 տրլն դրամ: Միայն դեկտեմբերին մշակող արդյունաբերության արտադրության ծավալներն աճել են 11,8%-ով՝ մինչև 293.4 մլրդ դրամ։

Ըստ վիճակագրական տվյալների՝ էլեկտրաէներգիայի, գազի, գոլորշու և օդորակված օդի մատակարարումների տարեկան աճը 0,9%-ից արագացել է մինչև 6,3%՝ ապահովելով 320.3 մլրդ դրամ ծավալ։ Միայն դեկտեմբերին արձանագրվել է 14.8% աճ՝ մինչև 33.7 մլրդ դրամ։ Ընդ որում, էլեկտրաէներգիայի արտադրությունը, հաղորդումն ու բաշխումը տարվա ընթացքում աճել են 9,8% - ով, մինչդեռ,  գրեթե նույնքան (9,5% - ով) նվազել է գազի արտադրությունը, գազամատակարարման համակարգերի միջոցով գազային վառելիքի բաշխումը