Նիկոլ Փաշինյանը՝ աշխատանքային միգրանտներին հարկելու մասին․ օրենքը չի գործել, որովհետև մեխանիզմներ չեն եղել

Արմինֆո.Աշխատանքային միգրանտների հարկման մասին օրենքն ընդունվել է վաղուց՝ մոտ 10 տարի առաջ։ Այդ մասին հայտարարել է  վարչապետ Նիկոլ Փաշինյանը՝ կառավարության ժամի ընթացքում պատասխանելով խորհրդարանականների հարցերին։

Նա պարզաբանել է, որ միայն վերջերս է գործարկվել ԱՊՀ երկրների միջեւ աշխատանքային միգրանտների մասին տեղեկատվության փոխանակման համակարգը: < Տեղի ունեցավ այն, որ մինչ այդ ԱՊՀ երկրները չունեին տեղեկատվության փոխանակման համակարգ, որպեսզի միմյանց տեղեկատվություն տրամադրեին աշխատող քաղաքացիների մասին: Համակարգը վերջերս է գործարկվել: Ստացվում է, որ օրենքը չի գործել, որովհետև մեխանիզմներ չեն եղել", - ասել է կառավարության ղեկավարը։

Ընդ որում, վարչապետը հիշեցրել է, որ որևէ քաղաքացու նկատմամբ հարկային վարչարարություն չի կիրառվել։ Նա նշել է, որ իշխանությունները միայն տեղեկացրել են քաղաքացիներին գործող օրենքի մասին, իսկ նրանց արձագանքին փորձել են բացատրել այդ օրենքի գործողության տրամաբանությունը: Փաշինյանի կարծիքով ՝ երկրում պետք է փոխել հարկի մասին պատկերացումները։

Կառավարության ղեկավարն այս առումով հիշեցրել է, որ 2017 թվականի համեմատ ՀՀ պետական գանձարանում հարկային եկամուտներն աճել են 92 տոկոսով: -