Դեսպան. Հաղորդակցությունների ոլորտում փոխգործակցությունը հայ-իրանական համագործակցության առանցքային ուղղություններից մեկն է

Արմինֆո.Հաղորդակցությունների ոլորտում փոխգործակցությունը հայ-իրանական համագործակցության առանցքային ուղղություններից մեկն է։ Այդ մասին ապրիլի 16-ին Երեւանում կայացած մամուլի ասուլիսում հայտարարել է Հայաստանում Իրանի դեսպան Մեհդի Սոբհանին։

"Հայաստանն Իրանի համար ճանապարհ է բացում դեպի հյուսիս և դեպի Սև ծով։ Իսկ Իրանը Հայաստանի համար ճանապարհ է դեպի հարավ՝ դեպի Պարսից ծոց, Օմանի ծոց և Հնդկաստան։ Տեսանելի ապագայում մեր միջեւ դրական պայմանավորվածություններ կկնքվեն փոխադրումների եւ տարանցման մասով, որն իր մեջ ներառում է նաեւ փոխադրումների եւ տարանցման սակագների նվազեցման հարցը (Հայաստանն ու Իրանը ավելի վաղ պայմանավորվել էին ճանապարհային տուրքերի զրոյացման մասին)", - հավելել Է դիվանագետը։

Նա նաև տեղեկացրել է, որ օրակարգում ճանապարհների բարեկարգման հարցն է, ինչպես նաև Հայաստանի հետ բարտերային առևտուր ծավալելու հնարավորությունը:

Իրանի դեսպանը նաեւ տեղեկացրել է, որ Իրանի առևտրի զարգացման կազմակերպության ղեկավարն առաջիկայում կայցելի Հայաստան, և հույս է հայտնել, որ այդ այցի շրջանակում կհաջողվի պայմանավորվածություններ ձեռք բերել առևտրի զարգացման շուրջ:

"Քննարկվում է նաև Չաբահար նավահանգիստ հայ պաշտոնյաների այցի հնարավորությունը։ Հայաստանը շահագրգռված է այդ նավահանգստում կենտրոն բացելու հարցում, ինչը կնպաստի Իրանի, Հնդկաստանի եւ, ընդհանուր առմամբ, հարավի հետ առեւտրի զարգացմանը", - նշել Է դիվանագետը։

Միաժամանակ, նա ընդգծել է, որ անցյալ տարի Հայաստանի և Իրանի միջև ապրանքաշրջանառությունը կազմել է 704 մլն դոլար, իսկ ընդհանուր առմամբ այդ ցուցանիշը մի քանի տարվա ընթացքում աճել է 2-3 անգամ: "Հաշվի առնելով մի շարք ծրագրեր, որոնց շուրջ մենք բանակցում ենք ՀՀ էկոնոմիկայի նախարարության հետ, հնարավորություն կա ավելացնել այդ ցուցանիշները ։ Բացի այդ, 2024 թվականի հունվար և փետրվար ամիսներին աճ է գրանցվել նաև առևտրի ոլորտում", - ամփոփել է դիվանագետը ։

Վիճակագրական կոմիտեի տվյալներով՝ Հայաստանի և Իրանի միջև արտաքին առևտրաշրջանառությունը 2023 թվականին կրճատվել Է 2,5 տոկոսով՝ կազմելով 692,5 մլն դոլար ։ Ընդ որում, արտահանումը նվազել է 14,3 տոկոսով ՝ մինչև 94,5 մլն դոլար՝ ներմուծման 0,3 տոկոսով, մինչև 598 մլն դոլար անկման դեպքում։