Հայաստանում դիտվում է մի շարք հայկական հեռուստաալիքների մասնագիտացման միտում. ՀՌՀ ղեկավար

Արմինֆո. Հայաստանում մի շարք հայկական հեռուստաալիքների մասնագիտացման միտում է նկատվում։ Այդ մասին մայիսի 2-ին Ազգային ժողովի նիստում հայտարարել է ՀՀ հեռուստատեսության եւ ռադիոյի հանձնաժողովի նախագահ Տիգրան Հակոբյանը։

Որպես օրինակ նա նշել է "Բուն ՏՎ"-ն,, որը կենտրոնանում է կրթական, մշակութային և մանկական ծրագրերի վրա: Հեռուստաընկերությունը հիմնադրամ է և իր գործունեությունն իրականացնում է դրամաշնորհների հաշվին: Հեռարձակման հայտում հեռուստաընկերությունը հայտարարել է, որ իր գործունեության մեջ գովազդ չի օգտագործելու։ Ըստ էության, դա, ինչպես նշել է Հակոբյանը, դարձել է առավելություն, որը թույլ է տվել ընկերությանը հաղթել մրցույթում։ Նա հավելել է, թե վատ չէր լինի, եթե նման հիմնադրամների միջոցները կուտակվեին երկրում, որպեսզի հայկական բիզնեսը սոցիալական պատասխանատվության ավելի մեծ հնարավորություններ ստանար: "Դա հիանալի կլիներ, քանի որ հնարավորություն կտար ֆինանսավորել ոչ թե քարոզչական ծրագրեր, այլ կրթական և սոցիալական ուղղվածություն ունեցող նախագծեր ։ Բայց, եթե դեռ այդպիսիք չկան, պետք է ողջունել, նույնիսկ, արտասահմանից նման հեռուստաալիքների ֆինանսավորումը", - ասել է ՀՌՀ ղեկավարը ։ Նա ընդգծել է, որ հանձնաժողովը հետևում է բոլոր հեռուստաալիքների բովանդակությանը։ Նրանց հաղորդումների վերլուծությունը թույլ է տալիս պնդել, որ վերջին երեք տարիներին եթերում ատելության խոսքի նվազման միտում է նկատվում։ Այդուհանդերձ, ողջ լրատվական դաշտի օրենսդրական մակարդակով կարգավորման անհրաժեշտություն կա ։ Այսօր երկիրն այս առումով գտնվում է հնագույն վիճակում, ընդգծել է բանախոսը ։

Նա գոհունակությամբ փաստել է, որ Հայաստանում արդեն կա սպորտային թեքումով հեռուստաալիք, հայտնվել է կրթական և մշակութային ոլորտին ուղղված հեռուստաալիք, կա նաև երաժշտական հաղորդումներ հեռարձակող հեռուստաալիք։