Հայաստանը կմասնակցի «Food Africa 2024» սննդի և ըմպելիքների միջազգային ցուցահանդեսին

Արմինֆո.Դեկտեմբերի 3-5-ը Եգիպտոսի Արաբական Հանրապետության Կահիրե քաղաքում կանցկացվի «Food Africa 2024» սննդի և ըմպելիքների միջազգային ցուցահանդեսը, որի նպատակն է նպաստել առևտրային և բիզնես գործունեության կայուն զարգացմանը։

Հիմնական ոլորտներն են սննդի և խմիչքի արդյունաբերությունը։ Ցուցահանդեսին անցյալ տարիներին մասնակցել են 63 երկրների ներկայացուցիչներ՝ այդ թվում 500-ից ավել գնորդներ, տեղի են ունեցել 3000-ից ավել բիզնես հանդիպումներ։

Ցուցահանդեսին Հայաստանի մասնակցությունը նախատեսված է միասնական հայկական տաղավարով:  Ընդհանուր առմամբ, ցուցահանդեսին կմասնակցեն 30 երկրների արտադրողներ: Սպասվում է ավելի քան 25 հազար այցելու։ Ցուցահանդեսի թեմատիկ բաժիններն են. հրուշակեղեն, ըմպելիքներ, պահածոյացված և սառեցված մթերքներ, համեմունքներ, թարմ մրգեր և բանջարեղեն, հացահատիկ, ալյուր, խոտաբույսեր, միս և թռչնամիս, կաթ, պանիր և կաթնամթերք, ընկույզ և չրեր, յուղեր, օրգանական և դիետիկ սնունդ, թեյ, սուրճ և բուսական թուրմեր:

Նշենք, որ Food Africa-ն մայրցամաքի խոշորագույն միջազգային առևտրային ցուցահանդեսն է, որը մասնագիտացած է սննդի և ագրոարդյունաբերության ոլորտում: Միջոցառումը համատեղում է ժամանակակից ցուցահանդեսային ձևաչափ, բիզնես միջոցառումների հարթակ և պայմանագրերի կնքման եզակի b2b հարթակ: Մասնակիցները հնարավորություն կունենան մուտք գործել ոչ միայն Եգիպտոսի պարենային մեգաշուկա, այլև՝ Աֆրիկայի արագ զարգացող գյուղատնտեսական ճյուղ