Երևանում մեկնարկել են ֆինանսական և տեխնիկական համագործակցության հայ-գերմանական միջկառավարական խորհրդակցությունները

Արմինֆո. Երեւանում մեկնարկել են ֆինանսական եւ տեխնիկական համագործակցության հայ-գերմանական միջկառավարական խորհրդակցությունները: Այս մասին հայտնում են էկոնոմիկայի նախարարության մամուլի ծառայությունից ։

Հանդիպմանը մասնակցել են ՀՀ էկոնոմիկայի նախարարի տեղակալ Նարեկ Հովակիմյանը, Հայաստանում Գերմանիայի դեսպան Վիկտոր Ռիխտերը, ինչպես նաև պետական գերատեսչությունների և միջազգային կառույցների ներկայացուցիչներ:

Կողմերը քննարկել են հարցերի լայն շրջանակ, որոնց թվում են համատեղ ծրագրերի իրականացման ընթացքն ու հեռանկարները, մի շարք ոլորտներում համագործակցության ընդլայնման ուղղությամբ հետագա քայլերը: Մասնավորապես, որպես առաջնահերթություն զրուցակիցները նշել են երկարաժամկետ և կայուն տնտեսական զարգացումը, գյուղատնտեսությունը, շրջակա միջավայրն ու էներգետիկան, մասնագիտական կրթությունը, բարձր տեխնոլոգիաները, զբոսաշրջությունը, փոքր և միջին բիզնեսի աջակցությունը և մի շարք այլ հարցեր:

Նշենք, որ ՀՀ Վիճակագրական կոմիտեի տվյալներով ՝ Հայաստանի արտաքին առևտրաշրջանառությունը Գերմանիայի միջև 2024 թվականի հունվար-ապրիլ ամիսներին կազմել է 147.8 մլն դոլար, ինչը 35.5% - ով զիջում է մեկ տարվա վաղեմության ցուցանիշին ։ Ընդ որում, արտահանումը կրճատվել է 33,4% - ով ՝ մինչև 20,7 մլն դոլար, Ներմուծման 36,2% անկման ֆոնին ՝ մինչև 127,1 մլն դոլար ։