Արմինֆո. Ս.թ. հունիսի 20 - ից Air Cairo ավիաընկերությունն առաջին անգամ սկսել է թռիչքներ իրականացնել Կահիրե - Երևան - Կահիրե ուղղությամբ: Այս մասին տեղեկացնում է "Զվարթնոց"միջազգային օդանավակայանը ։
Ըստ աղբյուրի ՝ չվերթները կիրականացվեն շաբաթական մեկ չվերթ հաճախականությամբ ՝ հինգշաբթի օրերին: "Ավիատոմսերի ձեռքբերման և առկայության վերաբերյալ հարցերի, ինչպես նաև լրացուցիչ տեղեկություններ ստանալու համար խորհուրդ ենք տալիս կապ հաստատել տեղական տուրիստական գործակալությունների հետ: Շնորհավորում ենք մեր գործընկերներին և մաղթում անվտանգ թռիչքներ", - ասված է հաղորդագրության մեջ:
