Արմինֆո. Նախնական գնահատականների համաձայն, մետրոյի "Աջափնյակ" կայարանի շինարարությունը կավարտվի մինչև 2030-2032թթ.: Այս մասին հուլիսի 1-ին Երևանի քաղաքապետարանում տեղի ունեցած աշխատանքային խորհրդակցության ժամանակ զեկուցել են Երևանի քաղաքապետ Տիգրան Ավինյանին:
Մասնավորապես, նշվել է, որ այդ ժամանակացույցը կազմվել է՝ հաշվի առնելով բոլոր հնարավոր ռիսկերն ու շեղումները, և կախված է նրանից, թե որն է լինելու ֆինանսավորման աղբյուրը: Ծրագրի պատասխանատուներն ամենաուշը օգոստոս ամսին ՀՀ ներդրումային կոմիտեին պետք է ներկայացնեն ծրագրի տնտեսական արդյունավետության գնահատականը և բանակցություններ վարեն ֆինանսավորման մասով: Շրջակա միջավայրի վրա ազդեցության գնահատումը (ՇՄԱԳ) նախատեսվում է ավարտել ս.թ. հոկտեմբերին: 2025 թվականին դրան կհաջորդի համալիր պետական փորձաքննություն և մրցութային գործընթաց: Շինարարությունը, որը կտևի շուրջ 4 տարի, նախատեսվում է սկսել 2026 թվականին ։ Միջնաժամկետ ծախսային ծրագիրը կազմում է 6 մլրդ դրամ, սակայն ներդրումային խորհրդի կողմից ծրագրի հաստատման արդյունքում դրա չափը կսրբագրվի: "Սա իրատեսական դրական սցենար է, որը կախված է ֆինանսավորման աղբյուրներից", - նշվել է քաղաքապետարանում:
Տիգրան Ավինյանն, իր հերթին, ընդգծել է, որ կարևոր է պրոակտիվ լինել կառավարության գործընկերների հետ տեխնիկական, ֆինանսական խնդիրների լուծման և փորձաքննությունների անցկացման հարցերում, որպեսզի ամեն ինչ ժամանակին կատարվի: "Մենք խոստում ենք տվել և այդ կայարանը կկառուցվի ։ Խնդրում եմ ինձ տեղյակ պահեք, որպեսզի հարկ եղած դեպքում ես էլ միջամտեմ ։ Որովհետև չի կարելի այդ բոլոր գործընթացները թողնել բյուրոկրատական ընթացքի վրա։ Այդպես նախագիծը կարող է դանդաղ մահով մահանալ", - ասել է քաղաքապետը։
![]() | 4.41 | -0.04 |
![]() | 388.24 | 0.08 |
![]() | 417.71 | 1.72 |
![]() | 493.14 | 2.43 |
![]() | 283.82 | 1.15 |
![]() | 23.97 | -0.05 |
![]() | 53.38 | 0.00 |
![]() | 429.90 | 0.42 |