ՀՀ ԿԲ-ն տարեկան շահույթի 80%-ը կուղղի անտոկոս պետական պարտամուրհակի մի մասի մարմանը

Արմինֆո. Հայաստանի Կենտրոնական բանկը տարեկան շահույթի 80% - ը կուղղի 54.395 մլրդ դրամ ծավալով անտոկոս պետական ցպահանջ պարտամուրհակի մարմանը: Այդ մասին որոշումն ընդունվել է հուլիսի 18-ին կառավարության նիստում։

Ինչպես նշվում է որոշման նախագծի հիմնավորման մեջ, հաշվի առնելով այն հանգամանքը, որ 2021 թվականը Կենտրոնական բանկը փակել է պահուստները զգալիորեն գերազանցող վնասով, այդ բացը ծածկելու համար տրամադրված 54.395 մլրդ դրամ անտոկոս պետական պարտաամուրհակի չափը փոխարինվել է 204.072 մլրդ դրամ գումարով: Այնուհետև, հաշվի առնելով, որ ՀՀ ԿԲ համախմբված շահույթը 2023 թվականի արդյունքներով կազմել է 52.043 մլրդ դրամ, "Կենտրոնական բանկի մասին" ՀՀ օրենքի 12-րդ հոդվածի հիման վրա անհրաժեշտություն է առաջացել այդ շահույթի 80% - ը (41.635 մլրդ դրամ) ուղղել ՀՀ Կենտրոնական բանկի կապիտալում հաշվառվող անտոկոս պետական պարտամուրհակիի մի մասի մարմանը։

Հաշվի առնելով վերոգրյալը՝ կառավարության որոշման նախագծում առաջարկվում է Կենտրոնական բանկին տրամադրված անտոկոս պետական ցպահանջ մուրհակի գումարը՝ 204.072 մլրդ դրամ (2023թ.հուլիսի 6-ի որոշում) փոխել 162.437 մլրդ դրամի (2024թ. հուլիսի 18-ի որոշում):

Նշենք, որ ըստ ՀՀ ԿԲ տվյալների ՝ 2023 թվականի արդյունքներով մինչհարկային շահույթը կազմել է 54.994 մլրդ դրամ, իսկ զուտ շահույթը՝ 52.609 մլրդ դրամ ՝  2022 թվականի արդյունքներով, համապատասխանաբար, մինուս 146.491 դրամի և  148.843 մլրդ դրամի դիմաց ։ Դա թույլ է տվել ԿԲ-ին 2023 թվականի կուտակված վնասը կրճատել 245.371 մլրդ դրամից մինչև 203.736 մլրդ դրամ ։ Բացի այդ, կառավարության կողմից անտոկոս պետական պարտամուրհակի չափի ավելացումը 2022թ. 54.395 մլրդ դրամից մինչև 162.437 մլրդ դրամ 2023թվին թույլ է տվել ՀՀ ԿԲ սեփական կապիտալը բացասական 148.074 մլրդ դրամից դուրս բերել դրական 13.876 մլրդ դրամի։