Առաջին անգամ Հայաստանի կառավարության պարտքի կազմում ներքին պարտքը գերազանցել է արտաքին պարտքը

Արմինֆո. 2024 թվականի հունիսի վերջին Հայաստանն ավելացրել է դրամային պարտքը՝ մինչեւ կառավարական պարտքի գրեթե 50 տոկոս։ Ընդ որում, պետական պարտքը դոլարային արտահայտությամբ հատել է հերթական հոգեբանական նշագիծը՝ 12 մլրդ 157,2 մլն դոլար (2023 թվականի վերջի 11 մլրդ 845,4 մլն դոլարից)։ Իսկ դրամային համարժեքով ցուցանիշն կրճատվել է 4 տրիլիոն 794,9 մլրդ-ից մինչև 4 տրիլիոն 718,9 մլրդ։

Մասնավորապես, ըստ Ֆինանսների նախարարության տվյալների, 2024 թվականի 6 ամիսների ընթացքում ամերիկյան արժույթով պետական պարտքը 11 մլրդ 294.6 մլն դոլարից (404,79 դրամ/1դոլար) աճել է մինչև 11.649, 2 մլրդ դոլար (388,16 դրամ/1դոլար), իսկ դրամայինով կրճատվել է՝ 4 տրլն 571,9 մլրդ դրամից մինչեւ 4 տրլն 521,8 մլրդ դրամի։ Ֆիքսված տոկոսադրույքով ներգրավվել է կառավարության պարտքի 85,1%-ը։

Ընդ որում, արտաքին պարտքը (միջազգային կազմակերպությունների եւ օտարերկրյա պետությունների հանդեպ Հայաստանի պարտքային պարտավորությունները, եվրապարտատոմսերի թողարկումից ստացված միջոցները) կրճատվել է ինչպես դոլարով, այնպես էլ ազգային արժույթով. դոլարային արտահայտությամբ ՝ 5 մլրդ 950,7 մլն դոլարից մինչեւ 5 մլրդ 737,8 մլն դոլար, դրամային արտահայտությամբ՝ 2 տրլն 408,9 մլրդ դրամից մինչեւ 2 տրլն 227,2 մլրդ դրամ։

Ներքին պարտքն աճել է ինչպես դոլարով, այնպես էլ ազգային արժույթով.  5 մլրդ 343,9 մլն դոլարից մինչեւ

5 մլրդ 911,4 մլն դոլարի և 2023 թվականի 2 տրլն 163,2 մլրդ դրամից մինչեւ 2 տրլն 294,6 մլրդ դրամ։

Կրճատվել է նաև ԿԲ պարտքը. դոլարով ՝ 550,8 մլն դոլարից մինչև 508 մլն դոլար, դրամով ՝ 223 մլրդ դրամից մինչև 197,24 մլրդ դրամ։

Ս. թ. հունիսի վերջին ներքին պարտքի տեսակարար կշիռը կառավարության պարտքի կազմում 2023 թվականի վերջի 47.3% - ից աճել է մինչև 50.7%, իսկ դրամային պարտքը՝ նախորդ տարեվերջի 45.9%-ից աճել է մինչև 49.4%: