Արմինֆո. Հայաստանի կապի խոշորագույն օպերատորների քառյակը 2024թ. առաջին կիսամյակում հարկերի գծով պետական գանձարան է վճարել, ընդհանուր առմամբ, 19.4 մլրդ դրամ, ինչը 8.5%-ով զիջում է մեկ տարվա վաղեմության ցուցանիշին։ Այդ գումարից 155.5 մլն դրամ վճարվել է մաքսատուրքերի, իսկ 6.6 մլրդ դրամ՝ ուղղակի հարկերի գծով (այդ թվում ՝ շահութահարկ, եկամտահարկ)։ Այս մասին են վկայում ՀՀ պետական եկամուտների կոմիտեի տվյալները։
Կապի օպերատորների շարքում առաջատար տեղ է զբաղեցրել "Վիվա Արմենիա" ՓԲԸ-ն (Viva ապրանքանիշ), որը մեկ տարվա ընթացքում 13-րդ հորիզոնականից առաջադիմել է 7-րդ հորիզոնական' բյուջե ուղղելով 10.7 մլրդ դրամ հարկերի գծով, որից 18.6 մլն դրամ' մաքսատուրքերի գծով, 4.2 մլրդ դրամ' ուղղակի հարկերի գծով (այդ թվում ' շահութահարկ, եկամտահարկ):
Հաջորդը UCom-ն է, նախորդ տարվա 18-րդ հորիզոնաականից իջնելով 30-րդ հորիզոնական, որը պետական գանձարան է վճարել 4.3 մլրդ դրամ, որից 57.7 մլն դրամ՝ մաքսատուրքերի գծով, ավելի քան 1 մլրդ դրամ՝ ուղղակի հարկերի գծով (այդ թվում ՝ շահութահարկ, եկամտահարկ)։
Telecom Armenia-ն (Team ապրանքանիշ) զբաղեցրել է 39-րդ տեղը (նախորդ տարվա 25-րդի դիմաց) ՝ պետական գանձարան վճարելով 3.7 մլրդ դրամ, որից 79 մլն դրամ՝ մաքսատուրքերի, ավելի քան 1 մլրդ դրամ՝ ուղղակի հարկերի (այդ թվում ՝ շահութահարկ, եկամտահարկ) գծով։
"Ջի Էն Սի Ալֆա"-ն («Ռոստելեկոմ» ապրանքանիշ) տեղաբաշխվել է 230 - րդ հորիզոնականում (նախորդ տարվա 150 - ի դիմաց) ՝ պետբյուջե վճարելով 658 մլն դրամ՝ հարկերի գծով, որից 159 հազարը ՝ մաքսատուրքերի գծով, 602 մլն-ը՝ ուղղակի հարկերի գծով (այդ թվում ՝ շահութահարկ, եկամտահարկ) ։
Նշենք, որ 2023 թվականի առաջին կիսամյակում կապի խոշորագույն օպերատորների քառյակը ընդհանուր ծավալով պետական բյուջե է վճարել ընդհանուր առմամբ 21.2 մլրդ դրամ (տարեկան 39.1% աճով), որից 105.6 մլն դրամ՝ մաքսատուրքերի, 5.5 մլրդ դրամ՝ ուղղակի հարկերի (այդ թվում ՝ շահութահարկ, եկամտահարկ) գծով։
