Ինչպե՞ս կրճատել կողմնակի ծախսերը․ 5 խորհուրդ IDBank-ից ու Իդրամից

Արմինֆո.Ինչպե՞ս ավելի քիչ ծախսել ու ավելի շատ գումար խնայել։ Այս հարցը տանջում է շատերին՝ թե՛ հասարակ մահկանացուներին, թե՛ խելահեղ հարստություն կուտակած օլիգարխներին, որովհետև բոլորն ուզում են եղածից ավելի լավ ապրել ու ավելի շատ գումար ունենալ, անգամ, եթե չեն խոստովանում։

Ընդ որում՝ այս հարցը ծագում է հերթական կասկածելի «Ելք հաշվից»-ը պարզաբանելուց հետո, երբ հասկանում ես, որ հաշիվներդ դատարկող միակ «զեղծարարը» հենց դու ես։ Եվ այսպես, Իդրամն ու IDBank-ը հավաքել են օգտակար խորհուրդներ՝ մի քանի պարզագույն միջոց, թե ինչպես կարող եք խնայել գումար՝ կրճատելով անիմաստ ծախսերն ու չզրկվելով կյանքի «փոքրիկ ուրախություններից»։

Չեղարկում ենք բաժանորդագրությունները

Վերանայիր քո բոլոր բաժանորդագրություններն ու չեղարկիր չօգտագործվողները։ Օրինակ՝ արդյո՞ք նույն սրտի թրթիռով ես սպասում այս ամսվա կոսմետիկ միջոցների անակնկալ բոքսին, ինչպես բաժանորդագրվելուդ պահին։ Կամ արդյո՞ք մարզվում կամ սնվում ես այն վճարովի հավելվածի ստեղծած ծրագրով։ Ու այսպես՝ խոսակցական անգլերենը զարգացնելուց մինչև հսկայական ծավալի «ամպային» հիշողության հավելվածներ՝ դու ծախսում ես ամսական մի քանի հարյուր դրամ կամ մի քանի դոլար յուրաքանչյուրի վրա, բայց ամսվա վերջում տպավորիչ գումար է կազմում։

Ծառայությունների ավելի լավ պայմաններ

Հաճախ առօրյա հոսքի մեջ չենք էլ նկատում, որ այն ծառայությունները, որոնցից օգտվում ենք, կարող էին ավելի լավ պայմաններով տրամադրվել։ Գուցե ինտերնետ կապի քո օպերատորն արդեն ավելի շահավետ փաթեթ ունի, կամ բջջային կապի փաթեթի ավելի լավ առաջարկ կա։ Երկու-երեք հազար դրամը գուցե սրճարանում մի բաժակ սուրճի գին թվա, բայց ո՞վ է ուզում անգամ փոքր գումար կորցնել։

Նվազեցնում ենք Բանկային ծախսերը

Այստեղ արդեն հաստատ շատ ասելիք ունենք․ եթե օգտվում եք վճարովի ֆինանսական հավելվածներից, ապա ճիշտ ժամանակն է անցնել բացարձակապես անվճար տարբերակներին․ Idram&IDBank հավելվածը՝ անհատների, իսկ IDBusiness Mobile հավելվածը՝ բիզնեսների համար լավագույն թվային ֆինանսական գործիքներն են, որոնք մի քանի հպումով թույլ են տալիս կատարել բոլոր տեսակի վճարումները։ Մի «խորամանկություն» ևս․ փակեք բոլոր հաշիվներն ու քարտերը, որոնք չեք օգտագործում։ Ինչու՞ վճարել սպասարկման համար կամ կուտակել դեբիտորական պարտքեր այն պրոդուկտների համար, որոնց գոյության մասին չեք էլ հիշում։ Մենք մինիմալիզմի ու խելամիտ սպառման կողմնակից ենք․ դու հաստատ կարիք չունես շատ քարտերի ու շատ հաշիվների, չէ՞ որ ամեն ինչ մի հավելվածով կարող ես անել։ Ու հետո՝ մի բան էլ․ կարող ես լիարժեք խնայել քարտերի սպասարկման վճարների վրա, եթե ձեռք բերես դրանք Idram&IDBank հավելվածի միջոցով։

Հետևում ենք ծախսերին

Գիտենք, որ ամենադժվար բանն է, ու գիտենք, որ «բոլոր ծախսերը գրի առնելը» դժվար է, երբ գումար ծախսելիս քո ուղեղը մթագնում է ու մոռանում ես ամեն բան։ Բայց մենք ունենք լուծում, ու չես հավատա, բայց դա նորից Idram&IDBank հավելվածն է։ Բանն այն է, որ «Պատմություն» բաժնում երևում են բոլոր ծախսերը, ու ձեռքով ոչինչ գրելու կարիք չկա, հետևաբար կարող ես հեշտությամբ հաշվել, թե ինչի վրա որքան գումար ես ծախսել, ու հաջորդիվ փորձել կրճատել այն բոլոր ծախսերը, որոնք ավելորդ են թվում կամ կարող էին ավելի համեստ լինել։

Չենք անտեսում բոնուսները

Գումար խնայելու ու եկամուտներդ ավելի խելամիտ ծախսելու համար պետք է օգտվել հնարավոր բոլոր առիթներից։ Երբ քեզ բոնուսներ, զեղչեր ու լոյալության միավորներ են առաջարկում, պետք է վերցնել։ Օրինակ՝ կարող ես հետևել Իդրամի նորություններին ու պարզել, թե Իդրամ QR-ով վճարելիս որտեղ կարող ես շահավետ զեղչեր ստանալ։ Հետո, Idram&IDBank հավելվածով կամ IDBank-ի քարտերով մի շարք գործարքների դիմաց կարող ես ստանալ idplus բոնուսներ ու idcoin լոյալության միավորներ, որոնք կարող ես օգտագործել նույն կերպ, ինչ սեփական գումարդ, ու լուրջ թիվ խնայել։ Դե խնայողական հաշվի վրա գումարը պահելու մասին չենք ասում, որ «չեղած տեղից» տոկոս կուտակելն էլ է շահ։

Հուսանք՝ հաջողվեց գոնե փոքր մոտիվացիա տալ գումար խնայելու համար։ Բայց եթե այս խորհուրդներին էլ հետևես ու էլի ոչինչ չստացվի, ուրեմն իմացիր, որ քեզ պետք է պարզապես շատ քնել։ Բայց Idram&IDBank հավելվածը հաստատ անօգուտ չի մնա քո հեռախոսում։