Մարտին Գալստյան. Հայաստանում դիտվում է օտարերկրյա աշխատուժի արտահոսք

Արմինֆո. Հայաստանում դիտվող կոշտ գների (sticky price) նվազման միտումը, որը երկար ժամանակ պահպանվում էր բարձր մակարդակում, կապված է արտաքին պահանջարկի թուլացման հետ։ Այդ մասին հուլիսի 30-ին մամուլի ասուլիսի ժամանակ հայտարարել է Հայաստանի Կենտրոնական բանկի նախագահ Մարտին Գալստյանը։

Ընդ որում, նա պարզաբանել է, որ արտաքին պահանջարկի նվազումը պայմանավորված է երկու գործոնով։ Առաջինը ԿԲ ղեկավարը նշել է դեպի Հայաստան զբոսաշրջային հոսքի նվազումը և մեկ զբոսաշրջիկի հաշվով ծախսերի նվազումը։ Երկրորդ գործոնը նա համարել է օտարերկրյա աշխատուժի արտահոսքը։ "Դա վերաբերում է ոչ միայն բարձր որակավորում ունեցող կադրերին, այլև՝ ցածր որակավորում ունեցողներին", - նշել է Գալստյանը: Վկայակոչելով վերջին տվյալները (ս. թ. մայիսի վերջի դրությամբ), որպես օրինակ ԿԲ նախագահը հաղորդել է. "Հնդկաստանից աշխատանքային միգրանտների 25%-ը, որոնք Հայաստանում հաստատվել էին նախորդ տարվա սկզբից, արդեն լքել են մեր երկիրը": Մասնավորապես, նա նշել է, որ դրանց ամենաբարձր թիվը կազմել է 17 հազար մարդ՝ մայիսի վերջին կրճատվելով մինչեւ 11 հազար։

Նման իրավիճակով պայմանավորված, ԿԲ կանխատեսումներով, Հայաստանում սպասվում է ծառայությունների ոլորտի աճի տեմպերի նվազում:

Նշենք, որ Զբոսաշրջության կոմիտեի տվյալներով ՝ 2024 թվականի հունվար - հունիս ամիսներին Հայաստան է այցելել 964 հազար զբոսաշրջիկ, ինչը մեկ տարվա վաղեմության ցուցանիշից ցածր է 4 տոկոսով ։ Ավանդաբար, Հայաստանում հանգստանալ նախընտրող զբոսաշրջիկների առյուծի բաժինը պատկանում է ՌԴ քաղաքացիներին (41%), որին հաջորդում են զբոսաշրջիկները Վրաստանից (13%), Իրանից (7%), Հնդկաստանից (3%), ԱՄՆ-ից (2%), ինչպես նաև Ուկրաինայից, Ֆիլիպիններից, Գերմանիայից, Ֆրանսիայից, Չինաստանից (1-ական տոկոս):

ՀՀ Վիճակագրական կոմիտեի տվյալներով՝ ծառայությունների ոլորտի տարեկան աճը 2024թ. հունվար-հունիսին կտրուկ դանդաղել է մինչև 4,4% (2023թ. նույն ժամանակահատվածի 16,8% - ից)՝ ապահովելով 1,6 տրլն դրամ (3.9 մլրդ դոլար) ծավալ։ Ընդ որում, արդյունաբերական հատվածում աճի կտրուկ արագացման, առևտրի հատվածում և շինարարության ոլորտում երկնիշ աճի տեմպերի պահպանման, անկումից էներգահամակարգի աճի դուրս գալու և ագրովերամշակման ոլորտի աճի արագացման շնորհիվ տնտեսական ակտիվության երկնիշ աճը պահպանվել է։