Ուրբաթ, 9 Օգոստոսի 2024 16:15

Արմինֆո. Հայաստանի ապահովագրական հատվածի զուտ շահույթը 2024թ. առաջին կիսամյակում նվազել է տարեկան 65,3%-ով (մեկ տարի առաջվա 39% աճի դիմաց)՝ կազմելով 948 մլն դրամ (2,4 մլն դոլար)։ Դա եղել է փոխհատուցումների տարեկան աճի արագացման արդյունք՝ 23,5% - ից մինչև 28,1%՝ ապահովագրավճարների դինամիկայի  25,6% աճից մինչև 6,3% անկում վատթարացման դեպքում, որոնց ծավալները կազմել են, համապատասխանաբար, 20,6 մլրդ և 38,7 մլրդ դրամ (53 մլն դոլար և 99,6 մլն դոլար)։ Այդ մասին են վկայում ԱրմԻնֆո լրատվական գործակալության պատրաստած Հայաստանի ապահովագրական ընկերությունների  ֆինանսական վարկանիշի 30.06.2024 թ. տվյալները։

Ընդ որում, զուտ շահույթի եռամսյակային դինամիկան խիստ արգեելակվել է՝ I եռամսյակում 2,7 անգամ աճից մինչև 12,5% աճ II եռամսյակում (2023 թվականի II եռամսյակի 32,4% անկման դիմաց), ինչը բացատրվում է ապահովագրավճարների 0,6% չնչին աճով  և փոխհատուցումների լճացմամբ ։ Սա, այնուամենայնիվ, ավելի լավ է, քան նախորդ տարվա եռամսյակային միտումը, երբ ապահովագրավճարների 27% անկումն ուղեկցվում էր փոխհատուցումների 24% աճով։