Արմինֆո. Արաբական Միացյալ Էմիրությունների (ԱՄԷ), Ինդոնեզիայի և Եգիպտոսի հետ ազատ առևտրի գոտու մասին ԵԱՏՄ համաձայնագրերը մշակման բարձր փուլում են: Ըստ ՏԱՍՍի՝ այդ մասին հայտարարել է ՌԴ արդյունաբերության եւ առեւտրի նախարար Անտոն Ալիխանովը ՝ ելույթ ունենալով BRICS արդյունաբերության նախարարների հանդիպմանը։
"Արտաքին գործընկերների հետ ԵԱՏՄ հարաբերությունների զարգացման կարևորագույն և արդյունավետ մեխանիզմը ազատ առևտրի գոտու մասին համաձայնագրերն են։ Դրանք թույլ տվեցին զգալիորեն ավելացնել ապրանքաշրջանառությունը Վիետնամի, Սերբիայի և Իրանի հետ։ Մշակման բարձր աստիճանի են համաձայնագրերն Արաբական Միացյալ Էմիրությունների, Ինդոնեզիայի և Եգիպտոսի հետ", - ասել է նախարարը։
Ալիխանովը նաև առաջարկել է դիտարկել BRICS-ի և ԵԱՏՄ-ի միջև փոխգործակցության հնարավորությունը: "Այսօր ԵԱՏՄ-ն հինգ երկրների՝ Ռուսաստանի, Հայաստանի, Բելառուսի, Ղազախստանի և Ղրղզստանի խորը ինտեգրված տարածաշրջանային տնտեսական միավորում է։ ԵԱՏՄ տարածքում ապահովվել է ապրանքների, ծառայությունների, կապիտալի, աշխատուժի տեղաշարժի ազատությունը, անցկացվում է ընդհանուր կարգավորիչ քաղաքականություն տնտեսության առանցքային ոլորտներում։ Դրա շնորհիվ միությունը ակտիվորեն զարգանում է, աճում է փոխադարձ առևտուրն ու արդյունաբերական համագործակցությունը", - հավելել է Ալիխանովը։
RUB | 4.17 | -0.04 |
USD | 387.75 | 0.66 |
EUR | 433.23 | 2.40 |
GBP | 515.44 | 4.06 |
CAD | 286.42 | 1.52 |
JPY | 27.16 | -0.17 |
CNY | 54.88 | 0.23 |
CHF | 458.71 | -0.36 |