Արմինֆո. Վաղը մեր կառավարությունների ղեկավարների հաստատմանը կներկայացվի պարենային անվտանգության ապահովմանն առնչվող երկու կարևոր փաստաթուղթ։ Այդ մասին Եվրասիական համաժողովի հարթակներում լրագրողներին հաղորդել է արդյունաբերության և ագրոարդյունաբերական համալիրի հարցերով նախարար Գոհար Բարսեղյանը։
Նա ընդգծել է, որ Covid19-ը ևս մեկ անգամ ցույց է տվել պարենային անվտանգության բնագավառում ինտեգրումը խորացնելու կարևորությունը: Այդ առնչությամբ Բարսեղյանը հիշեցրել է անցյալ տարվա դեկտեմբերին անդամ պետությունների ղեկավարների կողմից ստորագրված հռչակագրի մասին, որտեղ մեծ ուշադրություն է դարձվել ԵԱՏՄ շրջանակներում պարենային անվտանգության ապահովման հարցերին: "Մենք այժմ ակտիվորեն աշխատում ենք այդ ուղղությամբ", - ասել է նա:
Միաժամանակ, նախարարը նշել է, որ Հայաստանը պարենային անվտանգության ոլորտում մեծ ներուժ ունի։ "Մենք աշխատում ենք յուրաքանչյուր անդամ պետության ներուժի ընդլայնման ուղղությամբ ։ Գյուղատնտեսությունը բավականին զգայուն ուղղություն է, և միության շրջանակներում մենք իրականացնում ենք համակարգված համաձայնեցված քաղաքականություն", - նշել է նա։
Հիշեցնենք, որ մեկ տարի առաջ ԵՏՀ ագրոարդյունաբերական քաղաքականության վարչության տնօրենի տեղակալ Այնա Կուսաինովան հաղորդել էր, որ 2022 թվականի արդյունքներով Հայաստանի ապահովվածության մակարդակն ըստ գյուղմթերքի և պարենի հիմնական տեսակների կազմում է մոտ 67% ։
RUB | 4.07 | -0.03 |
USD | 387.05 | -0.13 |
EUR | 427.46 | -0.99 |
GBP | 507.73 | -6.33 |
CAD | 286.03 | -1.15 |
JPY | 26.36 | -0.38 |
CNY | 55.15 | -0.01 |
CHF | 455.25 | -1.17 |