Իլոն Մասկը, հնարավոր է, բացի WCIT-2024-ը՝ Հայաստանում

Արմինֆո. Ամերիկացի հայտնի գործարար, ինժեներ և միլիարդատեր Իլոն Մասկը, հնարավոր է, բացի Տեղեկատվական տեխնոլոգիաների համաշխարհային համաժողովը (WCIT -2024), որն այս տարի (բայց արդեն երկրորդ անգամ) կանցկացվի Հայաստանում: Այդ մասին հոկտեմբերի 3-ին մամուլի ասուլիսի ժամանակ հայտարարել է Առաջատար տեխնոլոգիաների ձեռնարկությունների միության (ԱՏՁՄ) նախագահ Ալեքսանդր Եսայանը։ Նշենք, որ ԱՏՁՄ -ը Համաժողովի կազմակերպիչն է՝ ՀՀ բարձր տեխնոլոգիական արդյունաբերության նախարարության և մի շարք այլ գործընկերների աջակցությամբ:

Եսայանը պարզաբանել է, որ ձեռք բերված նախնական պայմանավորվածության շրջանակներում Իլոն Մասկը պետք է առցանց հանդես գա ողջույնի խոսքով: Սակայն վերջնական հաստատում դեռ չի ստացվել։ ԱՏՁՄ-ի ղեկավարի ասելով՝ Մասկի հետ կապ հաստատել հաջողվել է ԱՄՆ-ում մեր հայրենակից Ռազմիկ Հովակիմյանի միջոցով (Graph Ventures վենչուրային ընկերության գործընկեր, Matchday ֆուտբոլային նախաձեռնության համահիմնադիր, Play Time VC հիմնադրամի կառավարիչ), ում հետ միլիարդատիրոջը կապում են ջերմ հարաբերություններ։

Նշենք, որ Իլոն Մասկը SpaceX  ընկերության հիմնադիրն է, գլխավոր տնօրենը և գլխավոր ինժեները, Tesla ընկերության ներդրողը, գլխավոր տնօրենը և արտադրանքի ճարտարապետը, The Boring Company-ի հիմնադիրը, Neuralink-ի և OpenAI-ի համահիմնադիրը, Twitter-ի (X) սեփականատերը:

Հիշեցնենք, որ WCIT-2024-ի աշխատանքը մեկնարկելու է հոկտեմբերի 5-ին և տևելու է մինչև 7-ը՝ Կ.Դեմիրճյանի անվան մարզահամերգային համալիրում՝ "Արհեստական բանականությունը սահմաններից դուրս և էթիկայի շրջանակներում" կարգախոսի ներքո: Գիտաժողովին նախորդում է համերգ Հանրապետության հրապարակում (հոկտեմբերի 4-ին, ժամը 19:30) պետական սիմոֆնիական նվագախմբի և անվանի կատարող Ջեյսոն Դերուլոյի մասնակցությամբ:

WCIT -ին զուգահեռ հոկտեմբերի 4-8-ը <Մերիդիան> ցուցահանդեսային կենտրոնում տեղի կունենա ԴիջիԹեք տեխնոլոգիական ցուցահանդեսը:

WCIT 2024 / DIGITEC-ը կմիավորի հիմնական բանախոսներին պանելային քննարկումներում, կանցկացվեն հանդիպումներ B2B ձևաչափով։ Համաժողովի շրջանակներում կներկայացվեն նորարարություններ, կանցկացվեն բիզնես շնորհանդեսներ, սեմինարներ և այլ միջոցառումներ ։ Համաժողովի աշխատանքներին կմասնակցեն արհեստական բանականության ոլորտի առաջատար մասնագետներ, ովքեր կայցելեն ԴիջիԹեք, կծանոթանան ընկերություններին և դրանց տեխնոլոգիական ներուժին: WCIT 2024 / DIGITEC-ի տեխնոլոգիական գործընկերը Team Telecom Armenia հեռահաղորդակցային ընկերությունն է, ֆինանսատեխնիկական գործընկերը՝ Ամերիաբանկը: