Արմինֆո. Հոկտեմբերի 4-6-ը «Արմենիա Մարիոթ» հյուրանոցում տեղի ունեցավ «Ներքին Աուդիտորների Ինստիտուտ-Հայաստան»-ի «Կառավարում, Ռիսկեր, Վերահսկողություն․ Խթանելով համագործակցությունը» խորագրով միջազգային կոնֆերանս։ Կոնֆերանսին ներկա էին շուրջ 200 մասնագետներ մասնավոր, հանրային և ֆինանսական ոլորտներից ։
Միջոցառման գործընկերն էր OVIO ընկերությունը։
Կոնֆերանսի «Տեղեկատվական տեխնոլոգիա և արհեստական բանականություն» սեսիայի բացումն իրականացրեց OVIO ընկերության տնօրեն Հայկ Ֆարամազյանը, ով ներկայացրեց կորպորատիվ կառավարման, ռիսկերի և հսկողության դերը արդի տեխնոլոգիաների աշխարհում։
«Ժամանակակից թվային աշխարհում կառավարումը դարձել է մարտահրավեր։ Տեխնոլոգիաների զարգացմանը համընթաց առաջանում են նոր ռիսկեր, և ՏՏ աուդիտը պետք է ոչ միայն վերլուծի իրողությունները, այլև կանխարգելի ռիսկերը և ստեղծի դեպի առաջընթաց տանող գործիքակազմ։ Տեխնոլոգիաների ամբողջ ներուժը օգտագործելու համար կազմակերպությունները պետք է խթանեն համագործակցությունը ՏՏ աուդիտի և ռիսկերի կառավարման թիմերի միջև: Առանձին գործելակերպն այլևս կենսունակ չէ ներկայիս արագ փոփոխվող միջավայրում»- նշեց OVIO ընկերության գլխավոր տնօրեն Հայկ Ֆարամազյանը։
Կոնֆերանսի բանախոսներն էին ոլորտի փորձառու մասնագետներ Հայաստանից, Արաբական Միացյալ Էմիրություններից, Սաուդյան Արաբիայից, Մեծ Բրիտանիայից, Նիդերլանդներից, Հարավաֆրիկյան Հանրապետությունից, ովքեր քննարկեցին կառավարման, ռիսկերի, աուդիտի և հսկողության արդի մարտահրավերները, ինչպես նաև տեղեկատվական անվտանգության և արհեստական բանականության ոլորտներում նոր տեխնոլոգիաների ներդրման փորձը։ Ներկայացվեցին կորպորատիվ մշակույթի ձևավորման կարևորությունը, ինչպես նաև ներքին աուդիտի նոր ստանդարտներում տեղ գտած փոփոխությունների ազդեցությունը պետական և մասնավոր ոլորտների համար։ Մասնակիցները հնարավորություն ունեցան քննարկել նշված թեմաները կլոր սեղանների ձևաչափով և կիսվել իրենց եզրահանգումներով՝ հմուտ փորձագետների մասնակցությամբ։
OVIO-ն, լինելով ֆիքսված ինտերնետի և հեռուստատեսության ծառայությունների առաջատար ընկերություններից մեկը թե ֆիզիկական, թե իրավաբանական անձանց շուկայում, դեռևս 2024թ․ մայիսին գործարկեց Հայաստանում խոշորագույն Տվյալների մշակման կենտրոնը՝ արդեն իսկ հաջողությամբ մատուցելով մի շարք ամպային ծառայություններ և այլ թվային լուծումներ։
Հայաստանի Ներքին աուդիտորների ինստիտուտը հիմնադրվել է 2012թ.-ին և հանդիսանում է «Institute of Internal Auditors-Global» միջազգային կազմակերպության գործընկերը Հայաստանում:
Տեղեկատվական անվտանգության փորձագետը թվարկել է Հայաստանի պետական համակարգում ԱԲ ներդրման հնարավոր ռիսկերը ՝ անվտանգության մեխանիզմների բացակայության պայմաններում
Փորձագետ․ Հայաստանը տարիներ շարունակ նավթամթերք է ներկրում Թուրքիայից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները