Ամերիաբանկի մասնաբաժինը Հայաստանի հիփոթեքային վարկավորման շուկայում հասել է 22%-ի

Արմինֆո.Ամերիաբանկը պահպանում է առաջատարությունը Հայաստանի հիփոթեքային վարկավորման շուկայում' ընդգրկելով 22%: Այդ մասին Toon EXPO անշարժ գույքի և շինարարության հատվածի մասնագիտացված ցուցահանդեսի հարթակներում լրագրողներին հայտարարել է Ամերիաբանկի երկարաժամկետ բանկային ծառայությունների գծով տնօրեն Վահրամ Գևորգյանը:

"Ուրախությամբ ուզում եմ ասել, որ մեր հաճախորդների հետաքրքրությունն ու վստահությունը էապես աճել է, ինչի արդյունքում այս տարի հիփոթեքային պորտֆելն ավելացել է 50 մլրդ դրամով", - ընդգծել է նա: Ընդհանուր առմամբ, հիփոթեքային վարկավորման ծավալը, նրա հավաստմամբ, հատել է 285 մլրդ դրամի նշագիծը։

Բացի այդ, Գեւորգյանը նշել է, որ Ամերիաբանկն առաջինն էր շուկայում, ով ներկայացրել է էկոհամակարգային լուծումները: Որպես օրինակ նա նշել է MyHome.am (https://myhome.am/home) նորարարական հարթակը, որտեղ ներկայացված են անշարժ գույքի շուկայի բազմաթիվ հետաքրքիր առաջարկներ, այդ թվում ՝ անշարժ գույքի առաջնային շուկայում վարկավորման ողջ գործիքակազմը:

Նշենք, որ Ամերիաբանկի MyHome.am հարթակում կարելի է գտնել 70 ընկերությունների՝ անշարժ գույքի առաջնային շուկայում կառուցապատողների ավելի քան 130 նախագծեր եւ անշարժ գույքի առաջատար գործակալությունների կողմից ավելի քան 1000 առաջարկ երկրորդային շուկայում: Ամերիաբանկի հիփոթեքային վարկերի ավելի քան 50%-ը ձևակերպվել է հենց MyHome հարթակի միջոցով: