Նախարար. 2025 թվին նախատեսված Հայաստանի ՀՆԱ-ի 5,6 տոկոս աճը շատ բարձր ցուցանիշ է

Արմինֆո.2025 թվականին նախատեսված Հայաստանի ՀՆԱ-ի 5,6% աճը շատ բարձր ցուցանիշ է։ Այդ մասին հոկտեմբերի 28-ին լրագրողներին հայտարարել է ՀՀ ֆինանսների նախարար Վահե Հովհաննիսյանը։

Նա հիշեցրել է, որ ՀՀ կառավարության 2021-2026թթ. ծրագրով նախատեսվում է բարենպաստ պայմաններում ապահովել տարեկան մինչև 7 տոկոս տնտեսական աճ, բայց, նույնիսկ, հաջորդ տարվա համար առաջարկվող ցուցանիշը շատ հավակնոտ է: Նախարարը նշել է, որ 2022-2023 թվականներին ապահովվել է ՀՆԱ-ի աճի 7 տոկոսից շատ ավելի մեծ տեմպեր, և դրանով իսկ միջինն ըստ տարիների ստացվում է տնտեսության աճի նույն 7 տոկոսը։

Նախարարը նշել է, որ ՀՀ կառավարության գլխավոր խնդիրներից է այնպիսի միջավայրի ձևավորումը, որտեղ գործարարները կարող են ազատորեն իրականացնել իրենց գործունեությունը և ստեղծել նոր աշխատատեղեր ՝ ներդրումների ներգրավմամբ:

Հովհաննիսյանը նշել է, որ 2024 թվականի վերջին կանխատեսվում է, որ երկրի պետական պարտքի տեսակարար կշիռը կկազմի 49,8 տոկոս, իսկ 2025 թվականի վերջին՝ 53,4 տոկոս: Պետբյուջեի  պակասուրդը կկազմի 5.5%:

Ավելի վաղ հաղորդվել էր, որ միջնաժամկետ հեռանկարում Հայաստանը մտադիր է ներգրավել տարեկան 400-500 մլն դոլար: Հաջորդ տարի պետբյուջեի պակասուրդի մարման համար կներգրավվի 600 մլն դոլար