Հայաստանում տարեկան գնաճը հոկտեմբերին հասել է 0.6%-ի՝ նախորդ տարվա 0.1%-ից

Արմինֆո. Հայաստանի սպառողական շուկայում 2024թ. հոկտեմբերին տարեկան գնաճը 2023թ.նույն ժամանակահատվածի 0.1% - ից բարձրացել է մինչև 0.6%: Դա պայմանավորված էր ծառայությունների սակագների ավելի ընդգծված 3.3% աճով, ինչին զուգահեռ նկատվել է ոչ պարենային և պարենային ապրանքների,  համապատասխանաբար, 2.1% և 0.1% էժանացում:

Որպես համեմատություն նշենք, որ մեկ տարի առաջ նկատվել է ծառայությունների սակագների 2.9% բարձրացում, ոչ պարենային ապրանքների 0.4% թանկացում և սննդամթերքի 1.8% էժանացում: Այդ մասին են վկայում ՀՀ վիճակագրական կոմիտեի տվյալները։