2025 թվին Հայաստանի ՀՆԱ-ի աճը համահունչ կլինի ներուժին. ԿԲ ղեկավար

Արմինֆո. Հայաստանի Կենտրոնական բանկը գտնում է, որ վերջին տարիներին ՀՆԱ-ի գեներացման ներուժը մեծացել է արտաքին պահանջարկի էական աճի հաշվին:

"Մենք կարողացանք կլանել այդ պահանջարկի մի մասը և վերածել որակական աճի: Մեր գնահատմամբ միջինը կազմում է 5%",-ասել է Հայաստանի Կենտրոնական բանկի նախագահ Մարտին Գալստյանը՝ նոյեմբերի 6-ին ԱԺ ֆինանսավարկային հարցերի հանձնաժողովում բյուջետային լսումների ժամանակ:

Այսպիսով, ըստ Գալստյանի, Հայաստանի ՀՆԱ աճը հաջորդ տարի համահունչ է ներուժին՝ շուրջ 5 տոկոս:

Նշենք, որ այսօր ավելի վաղ ՀՀ ֆինանսների նախարար Վահե Հովհաննիսյանը հայտարարել էր, որ Հայաստանի ՀՆԱ-ի գեներացման ներուժը վերջին տարիներին աճել է, ինչի հետ համաձայն են ՀՀ միջազգային գործընկերները (ս.թ. մայիսին Հովհաննիսյանը ԱրմԻնֆո-ին հավաստիացրել էր, որ Հայաստանի ՀՆԱ-ի գեներացման աճի ներուժն աճել է մինչև 5,5-6% ՝ նախկին 4-4, 5% - ից ՝ շնորհիվ կառուցվածքային բարեփոխումների, ներդրումների, տարբեր ոլորտների զարգացմանն աջակցության ծրագրերի՝ որպես վերջին 2 տարվա ընթացքում կառավարության աշխատանքի արդյունք - խմբ): Այդ առնչությամբ, Հայաստանի տնտեսությունը, չնայած ը.տ. բյուջեով նախատեսված 7%-ին, մինչեւ տարեվերջ  կաճի 5,8%-ով, եւ ՀՆԱ-ի 3.5% դեֆլյատորի ու 3.6% միջին գնաճի պայմաններում հաջորդ տարի անվանական ՀՆԱ-ն կկազմի 11 տրլն 050.1 մլրդ դրամ: Արդեն 2025 թվականին ՀՆԱ-ի աճը կկազմի 5.6 տոկոս ։ "Վերջին տարիներին մենք հասել ենք աճի այլ հետագծի", - այսօր ընդգծել էր ֆինանսների նախարարության ղեկավարը: