Հայաստանի արդյունաբերության հատվածը երկնիշ աճ է ապահովում

Արմինֆո. Հայաստանի արդյունաբերության հատվածը 2024թ. հունվար-սեպտեմբեր ամիսներին 0,6% անկումիից հասել է 12,6% աճի՝ ապահովելով 2.1 տրլն դրամ ծավալ (5.4 մլրդ դոլար)։ Դա պայմանավորված է վերամշակող արդյունաբերության դինամիկայի բարելավմամբ։ Այդ մասին են վկայում ՀՀ վիճակագրական կոմիտեի տվյալները։ Ընդ որում, միայն սեպտեմբերին արդյունաբերական հատվածի ծավալներն աճել են 1,6 տոկոսով՝ մինչև 245,6 մլրդ դրամ (634 մլն դոլար)։

 Մասնավորապես, հանքարդյունաբերության հատվածի տարեկան անկման տեմպերն արագացել են՝ 4,5% - ից մինչեւ 7,8%՝ ապահովելով 353.4 մլրդ դրամ ծավալ։ Սեպտեմբերին հանքարդյունաբերության հատվածի ծավալները նվազել են 2,2% - ով՝ կազմելով 43.4 մլրդ դրամ։