Արմինֆո. Այս տարի SILICON MOUNTAINS գագաթնաժողովը նվիրված կլինի տնտեսության մեջ արհեստական բանականության (ԱԲ) կիրառմանը և ԱԲ-ին առնչվող մարտահրավերներին: Միջոցառման կազմակերպիչն արդեն 7-րդ տարին անընդմեջ Տեղեկատվական և հաղորդակցության տեխնոլոգիաների (ՏՀՏ) գործատուների միությունն է:
ՏՀՏ գործատուների միության նախագահ Արմեն Բալդրյանը հիշեցրել է, որ դեռևս 2019 թվականին Silicon Mountins գագաթնաժողովն անդրադարձել էր արհեստական բանականության (ԱԲ) թեմային: Այն ժամանակ ԱԲ-ը դիտարկվում էր որպես հեռավոր ապագայի տեխնոլոգիա ՝ անհասանելի և անիրատեսական:
<Այնուամենայնիվ, այսօր ԱԲ-ն արդեն առկա է մեր կյանքում, և մի քանի տարիների ընթացքում ԱԲ-ի լայն կիրառումն իրականություն կդառնա: Դա մեծ ազդեցություն կունենա հատկապես այնպիսի ոլորտներում, ինչպիսիք են արդյունաբերությունը, կառավարումը և կրթությունը: ԱԲ - ն, ինչպես մյուս բարձր տեխնոլոգիական ճյուղերը, առաջիկա տարիներին առանցքային կդառնա երկրի տնտեսությունում և մեր առօրյա կյանքում", - ասել է նա:
Գագաթնաժողովի շրջանակում տեղի կունենա 3 ելույթ և 3 պանելային քննարկում, որոնք նվիրված կլինեն հետևյալ թեմաներին. Industry.ai, Invest.ai և Impact.ai: Միջոցառման հատուկ հյուրերը կլինեն Infosys ընկերության հիմնադիր, հնդիկ ձեռնարկատեր Նարայանա Մուրթին և Կենտրոնական և Հյուսիսային Եվրոպայում SIEMENS EDA-ի տնօրեն Սաշա Ահնեն:
