Կառավարությունը պատրաստում է աջակցության նոր նախագիծ՝ սպանդանոցների գործունեությունը խթանելու համար

Արմինֆո. Կառավարությունը պատրաստում է աջակցության նոր նախագիծ ՝ սպանդանոցների գործունեությունը խթանելու համար։ Այդ մասին ԱԺ-ում կառավարության ժամի ընթացքում հաղորդել է Հայաստանի էկոնոմիկայի նախարար Գեւորգ Պապոյանը՝ պատասխանելով խորհրդարանականների հարցերին։

Հաշվի առնելով հատկապես նախատոնական շրջանում բացառապես սպանդանոցներում մորթված մսի իրացումն ապահովելու հրատապ խնդիրը՝ կառավարությունում այժմ քննարկվում է կենդանիների սպանդը ճկուն կազմակերպելու նախագիծ: Այդ նախագծի շրջանակում պետությունը կփոխհատուցի անասունների սպանդի կազմակերպման հետ կապված ծախսերի մի մասը, ինչը բավականին ծախսատար միջոցառում է ։ Այս առնչությամբ Պապոյանը նշել է, որ սա գոյություն ունեցող միջազգային պրակտիկա է, և Հայաստանը մտադիր է գնալ նույն ճանապարհով։

Այն մեղադրանքներին, թե որոշ մարզերում պետությունը պայմաններ չի ստեղծել սպանդանոցներում անասունների սպանդի համար, թեեւ ֆերմերները նման պատրաստակամություն ունեն, նախարարը վկայակոչել է նաեւ լիզինգի պետական ծրագիրը, որի շրջանակներում պետությունը կփոխհատուցի կենդանիների սպանդի համար հատուկ սարքավորումների ձեռք  բերման կանխավճարի մեծ մասը եւ կսուբսիդավորի տոկոսադրույքները: