Արմինֆո. Ասիական զարգացման բանկը (ԱԶԲ) Հայաստանին կտրամադրի 89,469 մլն եվրոյի բյուջետային աջակցության վարկ: ՀՀ Ազգային ժողովում քննարկումներ են ընթանում բանկի հետ վավերացման ներկայացված համաձայնագրի շուրջ:
Իր ելույթում ՀՀ ֆինանսների նախարար Վահե Հովհաննիսյանը նշել է, որ փաստաթուղթը ստորագրվել է ս.թ. նոյեմբերի 1-ին: Բյուջետային աջակցության շրջանակում վարկային ռեսուրսներն ուղղվելու են երկրի 2024 թվականի պետական բյուջեի պակասուրդի ֆինանսավորմանը՝ հարկաբյուջետային կայունության ծրագրի իրականացման և ֆինանսական շուկաների զարգացման շրջանակներում: Միջոցները կներգրավվեն 6 - ամսյա LIBOR+ 0.5% լողացող տոկոսադրույքով, որն այս պահի դրությամբ կազմում է 3.175%:
Բյուջետային աջակցության ծրագիրը պարունակում է մի շարք ոլորտային բարեփոխումներ, այդ թվում ՝ հարկաբյուջետային համակարգը, պետական պարտքը, ֆինանսական ռիսկերի կառավարման քաղաքականության բարելավումը, արժեթղթերի թողարկման և կառավարման կարգի կատարելագործումը, ֆինանսական գործիքակազմի և կորպորատիվ կառավարման ընդլայնումը, ինչպես նաև թափանցիկության բարձրացումը:
