Արմինֆո. 2025 թվականին մենք կշարունակենք աջակցել Հայաստանում փառատոնների անցկացմանը, սակայն իմ առաջնահերթությունների ցանկում է մարզերում զբոսաշրջության ոլորտի ծառայությունների որակի բարձրացումը։ Այդ մասին դեկտեմբերի 6-ին լրագրողների հետ զրույցում հայտարարել է Հայաստանի զբոսաշրջության կոմիտեի նախագահ Լուսինե Գևորգյանը ՝ անցնող տարում Հայաստանի զբոսաշրջության ոլորտի արդյունքներին նվիրված միջոցառման հարթակներում։
Այդ առնչությամբ նա նշել է, որ հաջորդ տարվա համար բազմաթիվ ծրագրեր կան, մասնավորապես, դոնորների հետ արդեն քննարկումներ են ընթանում խոշոր ծրագրերի իրականացման ուղղությամբ: Առանց մանրամասներ բացահայտելու՝ նա տեղեկացրել է, որ այժմ բանակցություններ են ընթանում աշխարհահռչակ արտիստների հետ՝ մեր երկրում նրանց համերգները կազմակերպելու համար:
