Հայաստանի պետական պարտքը հոկտեմբերի վերջին հասել է 12.6 մլրդ դոլարի

Արմինֆո. 2024 թվականի հոկտեմբերի վերջին Հայաստանի պետական պարտքը դոլարային արտահայտությամբ աճել է մինչև 12 մլրդ 632.8 մլն դոլար (2023 թվականի վերջի 11 մլրդ 845.4 մլն դոլարից)։ Դրամային համարժեքով ցուցանիշը 4 տրլն 794.9 մլրդ-ից հասել է 4 տրլն 889.5 միլիարդի:

Մասնավորապես, ըստ Ֆինանսների նախարարության տվյալների, 2024 թվականի 10 ամիսների ընթացքում ամերիկյան արժույթով պետական պարտքը 11 մլրդ 294.6 մլն դոլարից (404.79 դրամ/1դոլար) աճել է մինչև 12 մլրդ 124.6 մլրդ դոլար (387.05 դրամ/1դոլար), իսկ դրամային պարտքը 4 տրլն 571.9 մլրդ դրամից հասել է 4 տրլն 692.8 մլրդ դրամի։

Ֆիքսված տոկոսադրույքով ներգրավվել է կառավարության պարտքի 85.7%-ը (84.1% ՝ 2023թ. վերջին)։

Ընդ որում, արտաքին պարտքը (միջազգային կազմակերպությունների և օտարերկրյա պետությունների հանդեպ Հայաստանի պարտքային պարտավորությունները, եվրապարտատոմսերի թողարկումից ստացված միջոցները) կրճատվել է ինչպես դոլարով, այնպես էլ ազգային արժույթով. դոլարային արտահայտությամբ՝ 5 մլրդ 950.7 մլն դոլարից մինչև 5 մլրդ 767.5 մլն դոլար, դրամային արտահայտությամբ՝ 2 տրլն 408.9 մլրդ դրամից մինչև 2 տրլն 232.8 մլրդ դրամ։

Ներքին պարտքն աճել է ինչպես դոլարով՝ 5 մլրդ 343.9 մլն դոլարից մինչև 6 մլրդ 357.1 մլն դոլար, այնպես էլ ազգային արժույթով՝ 2023 թվականի 2 տրլն 163.2 մլրդ դրամից հասնելով 2 տրլն 460.5 մլրդ դրամի։ Կրճատվել է նաև ԿԲ - ի պարտքը. դոլարով՝ 550.8 մլն դոլարից մինչև 508.2 մլն դոլար, դրամով՝ 223 մլրդ դրամից մինչև 196.7 մլրդ դրամ։

Ս. թ. հոկտեմբերի վերջին կառավարության պարտքի կառուցվածքում ներքին պարտքի տեսակարար կշիռը 2023թ. վերջի 47.3%-ից աճել է մինչև 52.4%, իսկ դրամային պարտքը 45.9% - ից աճել է մինչև 51.4%: