ՀԾԿՀ-ն հաստատել է Հայաստանում 5G տեխնոլոգիայի ներդրման համար մրցույթների կազմակերպման կանոնները

Արմինֆո. ՀՀ Հանրային ծառայությունները կարգավորող հանձնաժողովը դեկտեմբերի 18-ի նիստում հաստատել է 5G բջջային կապի տեխնոլոգիայի ներդրման համար մրցույթների կազմակերպման կանոնները:

Ինչպես նշվում է ՀԾԿՀ հաղորդագրության մեջ, կանոնները ներառում են համապատասխան ռադիոհաճախականությունների օգտագործման թույլտվությունների տրամադրման նպատակով մրցույթների կազմակերպման կարգը, ինչպես նաև թույլտվությունների տրամադրման մրցութային հանձնաժողովի ստեղծումը:

Նշված մրցույթների իրականացման արդյունքում նախատեսվում է ապահովել 5G տեխնոլոգիային բնորոշ տվյալների փոխանցման բարձր արագություններով և ցանցի աշխատանքի փոքր խափանումներով լայնաշերտ շարժական կապի ծառայությունների հասանելիությունը: Դրանց արդյունքում նախատեսվում է ապահովել 5G լայնաշերտ բջջային կապի տեխնոլոգիաներով տվյալների գերարագ փոխանցման ծառայությունների հասանելիություն յուրաքանչյուր քաղաքային բնակավայրի տարածքի առնվազն 60% - ում, ներառյալ՝ Ակադեմիական ավանը, «Զվարթնոց», Գյումրիի և Կապանի օդանավակայանները, գործող և կառուցվող մաքսակետերը:

Բացի այդ, հաստատված կանոնների համաձայն, միջպետական նշանակության ավտոճանապարհների ընդհանուր երկարության 98%-ը պետք է ապահովված լինի շարժական լայնաշերտ ինտերնետ հասանելիության outdoor ցանցով, որի 10% - ը' 5G տեխնոլոգիայով: