Բրիտանական Express UK պարբերականը Հայաստանը համարել է մշակութային զբոսաշրջության ամենաարագ զարգացող ուղղություններից մեկը

Արմինֆո.Բրիտանական Express UK պարբերականը Հայաստանը համարել է մշակութային զբոսաշրջության ամենաարագ զարգացող ուղղություններից մեկը:

Պարբերականում հրապարակված հոդվածում ասվում է, որ Հայաստանն իր հարուստ մշակույթի և տպավորիչ բնապատկերների շնորհիվ դառնում է պարտադիր՝ այցելության համար:

"Զբոսաշրջիկները կկարողանան իրենց համար լիովին բացահայտել Հայաստանի հնագույն քրիստոնեական ժառանգությունը, հիանալ սրբազան վանքերով եւ ճանապարհորդություն կատարել լեռնային հիասքանչ լանդշաֆտներով", - նշել են Express UK-ում:

Հոդվածի ամբողջական տեքստին կարելի է ծանոթանալ հետևյալ հղումով ՝ https://www.express.co.uk/travel/articles/1982609/hidden-gem-walking-destination-2025

Միևնույն ժամանակ, իտալական հայտնի մասնագիտացված Viaggi del Corriere della Sera պարբերականը Երևանն անվանել է պարտադիր այցելության վայր։

"Ինչ տեսնել և անել Հայաստանի մայրաքաղաք Երևանում" վերնագրով հոդվածի հեղինակը կոչ է անում ընթերցողին բացահայտել Երևանի վառ մշակույթը, աշխույժ մթնոլորտն ու տեսարժան վայրերը:

Զբոսաշրջության կոմիտեում նշել են, որ այդ հոդվածը Հայաստանի ճանաչելիության բարձրացման ևս մեկ քայլ է, որն աշխարհին հնարավորություն է տալիս ցուցադրելու մեր երկրի հմայքը:

Երևանի մասին Հոդվածի ամբողջական տեքստին կարելի է ծանոթանալ  հետևյալ հղումով՝ https://viaggi.corriere.it/asia/erevan/ :

 Նշենք, որ ՀՀ վիճակագրական կոմիտեի տվյալներով ՝ 2024 թվականի հունվար-սեպտեմբեր ամիսներին Հայաստան է այցելել 12 350 իտալացի զբոսաշրջիկ, ինչը 18,5% - ով գերազանցում է նախորդ տարվա ցուցանիշը ։ Հաշվետու ժամանակահատվածում Միացյալ Թագավորությունից զբոսաշրջիկների թիվն աճել է 9,6% - ով ՝ կազմելով 9 209 մարդ:

Զբոսաշրջության կոմիտեի վերջին տվյալների համաձայն՝ 2024 թվականի հունվար-նոյեմբեր ամիսներին Հայաստան է այցելել 2.08 մլն զբոսաշրջիկ՝ տարեկան 5.4%  անկմամբ։