Արմինֆո. ՀՀ Հանրային ծառայությունները կարգավորող հանձնաժողովը հավանություն է տվել "Գազպրոմ Արմենիա" ընկերության 2025-2029 թվականների ներդրումային ծրագրին: Այս մասին ասվում է կարգավորիչի հաղորդագրությունում։
Աղբյուրի համաձայն, ՓԲԸ ներդրումային ծրագրի ընդհանուր ծավալը կկազմի 143 մլրդ, 045 մլն դրամ: Տվյալ գումարի մեջ ներառված չեն ԱԱՀ-ի վճարումները:
Կարգավորողը նշում է, որ ուսումնասիրությունների արդյունքում ներդրումային ծրագիրը կրճատվել է 981,84 մլն դրամով։
Ներդրումների հիմնական ուղղություններն են լինելու Աբովյանի ստորգետնյա գազապահեստարանի ընդլայնումը, գազատրանսպորտային համակարգի վերականգնումն ու վերակառուցումը, նոր բաժանորդների միացումը, ինչպես նաև այլ ներդրումներ գազաբաշխման համակարգում:
"Գազպրոմ Արմենիա" ՓԲԸ-ը "Գազպրոմ" ՀԲԸ-ի 100% - անոց դուստրն է: Ընկերությունը Հայաստանում իրականացնում է գազի մատակարարման և բաշխման ցանցի օպերատորի գործառույթ:
