«Տաշիր» ընկերությունների խմբի նախագահ. աշխարհաքաղաքական գլոբալ մարտահրավերների պայմաններում Հայաստանի անդամակցությունը ԵԱՏՄ-ին չափազանց կարևոր է երկրի կայունության համար

Արմինֆո. Գլոբալ տնտեսական և աշխարհաքաղաքական մարտահրավերների պայմաններում Հայաստանի անդամակցությունը ԵԱՏՄ-ին չափազանց կարևոր է երկրի տնտեսության կայունության համար:  Այդ մասին ասվում է ռուսական «Տաշիր» ընկերությունների խմբի նախագահ Սամվել Կարապետյանի հայտարարությունում:

Նրա ասելով, ՌԴ-ում հայ գործարարները խորապես մտահոգված են ԵԱՏՄ-ից Հայաստանի հնարավոր դուրս գալու վերաբերյալ քննարկումներից: Գործարարը հիշեցրել է, որ Հայաստանի արտաքին առևտրաշրջանառության գրեթե կեսը բաժին է ընկնում ԵԱՏՄ երկրներին։

Կարապետյանը նշել է այդ քայլի բացասական հետևանքները։ Մասնավորապես, կներդրվեն
մաքսատուրքեր, ինչը կարող է բարդացնել արտահանումը ԵԱՏՄ երկրներ, այդ թվում՝ ՌԴ՝ նվազեցնելով ապրանքների մրցունակությունը։ «Սա կհարվածի նաև ներդրումային միջավայրին, քանի որ ՀՀ-ում Ռուսաստանը հիմնական ներդրողն է», - ընդգծել է գործարարը:

Կարապետյանը նաեւ նշել է, որ ԵԱՏՄ երկրներում աշխատող ՀՀ քաղաքացիները օգտվում են արտոնյալ պայմաններից, իսկ միությունից դուրս գալը կբարդացնի ՌԴ-ում աշխատուժի իրավիճակը, ինչը կարող է հանգեցնել դեպի Հայաստան դրամական փոխանցումների նվազման։

Կարապետյանը հատուկ ուշադրություն է դարձրել նաև պետության էներգետիկ անվտանգության հարցին։ "Այսօր չափազանց կարևոր է կենտրոնանալ երկրի անվտանգության հարցերի վրա, այդ թվում ՝ տնտեսական կայունության և մրցունակության բարձրացման հաշվին, այլ ոչ թե քաղաքական նկրտումները տնտեսական շահերից վեր դասել։ Նման մոտեցման հետևանքների օրինակներ մենք կարող ենք տեսնել Վրաստանի իրավիճակի օրինակով, որտեղ քաղաքական որոշումները բացասաբար են ազդել երկրի կայունության վրա", - հայտարարել է Սամվել Կարապետյանը։

Հիշեցնենք, որ վերջին շրջանում Հայաստանում արդիականացել է ԵԱՏՄ-ից երկրի դուրս գալու հարցը ։ Չնայած պաշտոնական անձանց, այդ թվում նաև ՀՀ էկոնոմիկայի նախարար Գևորգ Պապոյանի հայտարարություններին, թե այդ նման հարց չկա իշխանությունների օրակարգում, այնուամենայնիվ, Հայաստանում ավելի հաճախ են խոսում ԵԱՏՄ-ից երկրի դուրս գալու հնարավորության մասին: