Հայաստանի ապահովագրական շուկայում ԱՊՊԱ գծով վնասաբերության գործակիցը 2024 թվականին 71,7%-ից հասել է 81,8%-ի

Արմինֆո. Հայաստանի ապահովագրական շուկայում ԱՊՊԱ գծով վնասաբերության գործակիցը 2024 թվականին աճել է 71,7% - ից մինչև 81,8%: Այդ մասին են վկայում Հայաստանի ավտոապահովագրողների բյուրոյի տվյալները։

Գործակցի աճը 2024 թվականին դիտվել է գործող պայմանագրերի թվի տարեկան դինամիկայի վատթարացման՝ 11,7% աճից մինչև 0,7% անկում, ապահովագրավճարների աճի 2,9% - ից մինչև 9,3% չափավոր արագացման  ֆոնին, ինչին զուգահեռ արձանագրվել է փոխհատուցումների երկնիշ աճի արտահայտված արագացում՝ 15,9%-ից մինչև 20,3%:

Բյուրոյի տվյալներով՝ ԱՊՊԱ ապահովագրագիր ունեցող տրանսպորտային միջոցների թիվը 2024 թվականին աննշան աճել է, ընդամենը՝ 1,1 տոկոսով, մինչդեռ, մեկ տարի առաջ աճը կազմում էր 10 տոկոս ։ Քանակական առումով մինչև 2025 թվականը երկրում կար 674,524 հազար  ԱՊՊԱ պայմանագրով տրանսպորտային միջոց, սակայն գործող պայմանագրերի թիվը կազմել է 1,317 մլն (հանած՝ չեղյալ հայտարարված 1,194 մլն)։ Պայմանագրերի քանակի գերազանցումը մեքենաների քանակի նկատմամբ բացատրվում է եռամսյակային (կարճաժամկետ) պայմանագրերի մեծ թվով: ԱՊՊԱ-պայմանագրերի ընդհանուր քանակում E-ապահովագրերի բաժինը մեկ տարվա ընթացքում աճել է 25% - ից մինչև 31% ՝ կազմելով 413 033 հազար՝ տարեկան աճի 17,8% - ից մինչև 22,2% արագացմամբ:

2024 թվականի արդյունքներով գործող պայմանագրերով հավաքագրված ապահովագրավճարների ծավալը գերազանցել է 29.7 մլրդ դրամը (75 մլն դոլար), իսկ ապահովագրական փոխհատուցումների ծավալը հասել է 21.9 մլրդ դրամի (55.1 մլն դոլար)։ Ընդ որում, ճանապարհատրանսպորտային պատահարների պարզեցված ձևակերպման (եվրաարձանագրություն) դեպքերով վճարված փոխհատուցումների ծավալը տարվա ընթացքում աճել է 39,1%-ով (նախորդ տարվա 4,9% անկումից հետո)՝ մինչև 2,7 մլրդ դրամ (6,7 մլն դոլար), իսկ մեկ վճարման միջին չափի տարեկան աճն արագացել Է 8,4% - ից մինչև 19,1% ՝ հասնելով 101,049 հազար դրամի (255 դոլար ՝ մեկ տարի առաջվա 210 դոլարի դիմաց)։