Արմինֆո. ԱրարատԲանկը հերթական անգամ արժանացել է Mastercard վճարային համակարգի բարձր գնահատականին՝ ստանալով «ՓՄՁ-ներին ուղղված բանկային ծառայությունների գերազանցություն» մրցանակը։ Մրցանակաբաշխության արդյունքները հայտարարվել են հունվարի 17-ին կայացած հանդիսավոր միջոցառման ընթացքում:
Մրցանակը շնորհվել է փոքր և միջին բիզնեսում քարտային գործարքների զարգացման համար։
ԱրարատԲանկի եւ Mastercard-ի երկարամյա գործընկերության արդյունքում բանկն 2022թ.-ին արժանացել էր նաեւ «Դրամապանակային վճարումների դինամիկ աճ» մրցանակին:
ԱրարատԲանկը հանդիսանում է Հայաստանի առաջատար ֆինանսական հաստատություններից մեկը՝ սպասարկելով ֆիզիկական և իրավաբանական անձանց: Բանկն ունի Հայաստանի Հանրապետության ողջ տարածքում գործող 50 մասնաճյուղ և ավելի քան 1000 աշխատակից։ Բանկը համագործակցում է բազում միջազգային հեղինակավոր ֆինանսական կառույցների հետ: Բանկում ներդրված են միջազգային բանկային նորարարական լավագույն տեխնոլոգիաները և կորպորատիվ կառավարման լավագույն փորձը: Բանկի խոշոր բաժնետերերն են «Ֆլեշ» ՍՊԸ-ն, Բարսեղ Բեգլարյանը և Սանասար Բեգլարյանը:
![]() | 4.10 | 0.02 |
![]() | 396.76 | -0.07 |
![]() | 411.80 | 0.64 |
![]() | 493.89 | 1.15 |
![]() | 276.99 | 0.61 |
![]() | 26.08 | 0.06 |
![]() | 54.43 | -0.01 |
![]() | 437.49 | -0.90 |