Արմինֆո.Ոսկերչական իրերի մանրածախ առևտրով զբաղվողներն առաջարկում են շրջանառության հարկի դրույքաչափը 10% - ից իջեցնել մինչեւ 1%: Այդ ժամանակ "ստվեր" էլ չի լինի, և վճարված հարկերի ծավալը կաճի։ Այդ մասին փետրվարի 7-ին շրջանառության հարկի դրույքաչափի կրկնակի բարձրացման թեմայի շուրջ խորհրդարանական լսումներից հետո լրագրողների հետ զրույցում ասել է "Քաղաքացիական պայմանագիր" խմբակցության պատգամավոր Հայկ Սարգսյանը։
"Ոլորտի ներկայացուցիչները հայտարարում են, որ ոլորտում առկա է "ստվեր" հսկայական մասշտաբներով, ինչը պայմանավորված է ոչ համարժեք բարձր հարկերով: Հիմա առաջարկում են հարկի դրույքաչափը սահմանել 1 տոկոս, և եթե 6 ամսվա ընթացքում հավաքագրված հարկերի ծավալները չկրկնապատկվեն, կարող եք անել այն, ինչ ցանկանում եք", - հայտարարել է Հայկ Սարգսյանը։
Նրա խոսքով, այս առաջարկն ընդունելու դեպքում առեւտրականները խոստանում են իրենք աշխատել բացառապես "սպիտակ դաշտում", նաեւ "գործընկերներին" խնդրել, պահանջել՝ անել նույնը:
