Արմինֆո. Էկոնոմիկայի նախարարությունը հարկային քաղաքականությամբ չի զբաղվում, բայց փորձում է աջակցել բիզնեսին։ Այդ մասին լրագրողներին հայտարարել է էկոնոմիկայի փոխնախարար Էդգար Զաքարյանը, պատասխանելով հարցին, թե արդյոք վերանայվելու է ՓՄՁ-ների համար շրջանառության հարկը 5 տոկոսից մինչեւ 10 տոկոս բարձրացնելու մասին օրինագիծը։
Ընդ որում, նա հաղորդել է, որ այժմ բիզնեսի հետ խորհրդատվություններ են ընթանում տարբեր ուղղություններով, հիշեցնելով, որ Էկոնոմիկայի նախարարությունում արդեն մի քանի հանդիպում է տեղի ունեցել ոսկեգործության ոլորտի ՓՄՁ-ների հետ: "Հիմա կառավարությունում քննարկումներ են ընթանում, հետո կերևա։ Բայց, ամեն դեպքում, բիզնեսը պետք է հասկանա, որ առանց պատշաճ փաստաթղթաշրջանառության հնարավոր չէ նորմալ տնտեսական գործունեություն ծավալել", - ասել է փոխնախարարը։
