Հայաստանում փաստաբանի ծառայությունները շարքային քաղաքացու կարողությունից վեր են դարձրել. Փաստաբանների պալատի նախագահ

Արմինֆո.Հայաստանում փաստաբանական ծառայությունները թանկացել են։ Սա հետևանք էր այն բանի, որ փաստաբանական գործունեությունը շրջանառության հարկի համակարգից տեղափոխել են ընդհանուր հարկային դաշտ։ Միաժամանակ մեծացել է հանրային պաշտպանի գրասենյակի ծանրաբեռնվածությունը, քանի որ մասնավոր փաստաբանն արդեն շատերի կարողությունից վեր է։ Այդ մասին փետրվարի 10 - ին մամուլի ասուլիսի ժամանակ  հայտարարիել է ՀՀ փաստաբանների պալատի նախագահ Սիմոն Բաբայանը։

Բաբայանի խոսքով՝ ներկայումս խնդրահարույց է իրավական օգնություն տրամադրելը: "Վերջերս փոփոխություններ են կատարվել նաև" Պետական տուրքի մասին " օրենքում, որի արդյունքում բարձրացվել է դատարան դիմելու համար պետական տուրքը: Այսօր քննարկվում է նաև նոտարական ծառայությունների արժեքի բարձրացման հարցը>, - նշում է նա:

Այդ առնչությամբ փաստաբանական հանրությունն այսօր ժողով է հրավիրել, օրակարգում դատապարտող հայտարարության ընդունումն է:

Փաստաբանների պալատի նախագահի խոսքով՝ հարցն այն է, որ նախկինում փաստաբանները վճարել են շրջանառության 5 տոկոսը, և կարիք չի եղել ժամանակ ծախսել տարբեր հաշվապահական փաստաթղթեր լրացնելու և իրենց ծախսերը հիմնավորելու համար: Այժմ փաստաբանները պետք է վճարեն 20 տոկոս ԱԱՀ և 18 տոկոս շահութահարկ ։ Դրան գումարվել է բարդ հաշվապահություն վարելու բեռը։

Մյուս մեծ խնդիրը, չհաշված փաստաբանի անձնական ֆինանսական խնդիրները, անվճար իրավաբանական օգնություն տրամադրելու հնարավորության փակումն է: "ԱԱՀ-ի ռեժիմը ենթադրում է հետևյալը. նույնիսկ անվճար ծառայություն իրականացնելու դեպքում դու պետք է վճարես 20 տոկոս հարկ", - ասել է նա։ Իսկ այդ հարկի չափը հաշվարկվելու է համանմանծառայությունների միջին գնով։ Իսկ դա կհանգեցնի  այն բանին, որ փաստաբաններն ստիպված կլինեն հրաժարվել անվճար իրավաբանական օգնություն տրամադրելուց:

Այդ առնչությամբ, ինչպես նա նշել է, այսօր փաստաբանները բողոքի ակցիա են անցկացնում ՝ հրաժարվելով դատարաններում եւ հետաքննության մարմիններում իրավաբանական օգնություն տրամադրելուց։