Երկարաժամկետ հեռանկարում Հայաստանն ամբողջությամբ կհրաժարվի շրջանառության հարկից . վարչապետ

Արմինֆո.Վարչապետ Նիկոլ Փաշինյանը վստահեցնում է, որ աշխարհում չկա մի երկիր, որտեղ միաժամանակ գործում են շրջանառության հարկ ու ավելացված արժեքի հարկ: Այդ մասին նա հայտարարել է փետրվարի 12-ին խորհրդարանում կառավարական ժամի ընթացքում ՝ փորձելով հիմնավորել շրջանառության հարկի դրույքաչափը բարձրացնելու կառավարության  քաղաքականությունը։

<Երկրներում սովորաբար գործում է միասնական հարկային համակարգ: Իսկ մեզ մոտ ամեն ինչ խառնվել է>, - հայտարարել է նա:

Մինչդեռ, նրա կարծիքով, հայ հասարակությունը պետք է հասկանա, որ այդ հարկերով ճանապարհներ են կառուցվում, տարբեր խնդիրներ են լուծվում։

<Երկարաժամկետ հեռանկարում մենք պետք է ամբողջությամբ հրաժարվենք շրջանառության հարկից: Կամ էլ՝ ԱԱՀ-ից, ինչն իրատեսական չէ, քանի որ մենք չենք կարող վերանայել մեր տնտեսության ամենամեծ հատվածը, որը մեծ հարկեր է գեներացնում", - ասել է վարչապետը։