2025թ. փետրվարի 10-14-ը Հայաստանի արտարժույթի միջբանկային շուկայում  դոլարային գործարքները կրճատվել են, իսկ ռուբլով գործարքներն՝ աճել

Արմինֆո. 2025թ. փետրվարի 10-14-ը Հայաստանի արտարժույթի միջբանկային շուկայում չորս անգամ իրականացվել են դոլարային գործարքներ, և երեք անգամ՝ ռուբլով գործարքներ: Եվրոյով գործարքներ այդպես էլ չեն հայտնվել։ Արդյունքում՝ դոլարային գործարքների շաբաթական միտումը ծավալվել է 3 անգամ աճից դեպի 46% անկում, իսկ ռուբլով գործարքների միտումը՝ 58% անկումից դեպի 64% աճ: Արդյունքում՝ ռուբլով գործարքների նկատմամբ դոլարային գործարքների շաբաթական ծավալի գերակշռությունը կրճատվել է՝ 9-ից մինչեւ 3 անգամ։

Դրան զուգընթաց, արտարժույթի ներբանկային շուկայում հաշվետու շաբաթվա ընթացքում (10-14.02.25-ը ' 03-07.02.25-ի համեմատ) դոլարի առքի միտումը ծավալվել է դեպի անկում՝  վաճառքի աճի արգելակման պայմաններում, եվրոյի առքի անկումն արագացել է՝ վաճառքի աճի դանդաղման պայմաններում, իսկ ռուբլով գործարքներում առքի աճն ուղեկցվել է վաճառքի անկման արագացմամբ։

Արդյունքում՝ ս. թ. փետրվարի 10-14-ն ընկած ժամանակահատվածում դրամը դոլարի նկատմամբ "սառել է" 396,8 դրամ/1դոլարի մակարդակում, ընդ որում, սկսելով թուլանալ եվրոյի նկատմամբ' 412,5-ից մինչև 416 դրամ/1եվրո, և շարունակելով թուլանալ ռուբլու նկատմամբ' 4,04-ից մինչև 4,30 դրամ/1ռուբլի: Մեկ տարի առաջ՝ 2024թ. փետրվարի 14-ին դրամի փոխարժեքը դոլարի նկատմամբ կազմել է 405 դրամ/1դոլար, եվրոյի նկատմամբ՝ 436,5 դրամ/1եվրո, ռուբլու նկատմամբ՝ 4,41 դրամ/1ռուբլի, ինչը ներկայիս փոխարժեքների համեմատ վկայում է դրամի տարեկան արժևորման մասին և դոլարի, և եվրոյի, և ռուբլու նկատմամբ։