Արմինֆո.Հայաստանը չի կարող միաժամանակ լինել Եվրասիական տնտեսական միության (ԵԱՏՄ) և Եվրոպական միության անդամ, երկիրը պետք է ընտրություն կատարի։ Այդ մասին հայտարարել է Հայաստանում Ռուսաստանի դեսպան Սերգեյ Կոպիրկինը՝ 24News-ի հետ հարցազրույցում։
Դիվանագետը հիշեցրել է, որ ի սկզբանե ռուսական կողմը հստակ նշել է՝ կամ ԵՄ, կամ ԵԱՏՄ, այնտեղ և այնտեղ լինել հնարավոր չէ։ "Եվ այստեղ հարցը ոչ թե ռուսական կողմի դիրքորոշումն է, այլ օբյեկտիվ իրականության հարցը, քանի որ պետությունը չի կարող միաժամանակ երկու մաքսային միությունների անդամ լինել", - նշել է Կոպիրկինը, հիշեցնելով, որ այդ դիրքորոշումը հստակ հայտարարել է ՌԴ փոխվարչապետ Ալեքսեյ Օվերչուկը, ով, նույնիսկ, այնպիսի փոխաբերություն է օգտագործել, որ "ԵՄ-ին անդամակցելով՝ Հայաստանն իր համար Տիտանիկի տոմս կգնի": Ընդ որում, նա հավելել է, որ իր համար դժվար է գնահատականներ տալ, թե որտեղ ավելի լավ կլինի Հայաստանի համար՝ ԵՄ-ում թե ԵԱՏՄ-ում։
Կոպիրկինը նշել է, որ այսօր կա իրականություն. Հայաստանը ԵԱՏՄ-ին անդամակցությունից գլխավոր շահերից մեկն է: "ԵԱՏՄ-ի և Ռուսաստանի Դաշնության հետ Հայաստանի համագործակցությունը երկրի սոցիալ-տնտեսական զարգացման առանցքային գործոններից մեկն է, ինչի մասին վկայում է վիճակագրությունը։ Այն, ինչ լինելու է ԵՄ-ում, ապագայի հարց է, այս պահին Հայաստանի և ԵՄ-ի միջև առևտրի դինամիկան մինուս նշանով է։ Գաղտնիք չէ, որ ԵՄ-ն այսօր բախվում է շատ լուրջ համակարգային խնդիրների", - նշել է Ռուսաստանի դեսպանը։
Միեւնույն ժամանակ, դիվանագետը նշել է, որ ռուսական կողմն ազնվորեն արտահայտել է իր դիրքորոշումը, եւ սկզբունքային պահն այն է, որ այդ ընտրությունը Հայաստանի Հանրապետության ինքնիշխան իրավունքն է: "Մենք հարգանքով ենք վերաբերվում դրան, բայց պետք է հասկանալ իրողությունները", - ասել է նա:
Անդրադառնալով արտաքին քաղաքականությունը դիվերսիֆիկացնելու մտադրության մասին Հայաստանի իշխանությունների հայտարարություններին՝ Ռուսաստանի դեսպանը նշել է, որ դա նորմալ երեւույթ է. Մոսկվան եւս ձգտում է դիվերսիֆիկացնել իր հարաբերությունները բոլոր ազիմուտներով:
"Մենք ըմբռնումով ենք մոտենում բոլորի հետ հարաբերությունները զարգացնելու ձգտմանը։ Ռուսաստանի շահերից է բխում, որ Հայաստանն իրեն վստահ զգա տարածաշրջանում և միջազգային ասպարեզում", - ասել է ռուս դիվանագետը։
Անդրադառնալով դիտարկմանը, որ Հայաստանի իշխանությունները ԵՄ հետ մերձեցումը հիմնավորում են անվտանգության լրացուցիչ երաշխիքներով, Կոպիրկինը հայտարարել է, թե, որքան հայտնի է, Երևանին ոչ ոք չի տվել անվտանգության ոչ մի լրացուցիչ երաշխիք, որը համադրելի է այն բանի հետ, ինչ կա ռուս-հայկական հարաբերություններում: "Համենայնդեպս, ես ոչ դիմում եմ տեսել, ոչ էլ փաստաթուղթ։ Ինչ վերաբերում է իրավիճակի փոփոխությանը, ապա սկզբունքային առումով այն չի փոխվել։ Անվտանգության, ռազմաքաղաքական ոլորտում մեր փոխգործակցության հիմնական բաղադրիչները պահպանվում են։ Ռուսական ռազմակայանը մնում է այստեղ, ՌԴ սահմանապահների ներկայությունը սահմանին, չնայած որոշակի դինամիկային, պահպանվում է, և դա դրական է գնահատվում Երևանի կողմից", - ասել է նա։
Խոսելով ռազմատեխնիկական համագործակցության մասին՝ Կոպիրկինը նշել է, որ այդ թեման կա, դա երկու երկրների հարաբերությունների օրակարգում է։ "Հասկանալի է, որ ներկա իրավիճակը որոշակիորեն ազդում է գործընթացների վրա, բայց ռուսական կողմը քաղաքական կամք ունի պահպանելու այն, ինչ կա ։ Դա մեր երկրների շահերից է բխում։ Քննարկվում են հարցեր, ինչ-որ բան լուծվում է, ինչ-որ բան քննարկման փուլում է", - ասել է ռուս դիվանագետը, հավելելով, որ խնդիրները քննարկելու և այս հարաբերություններում այդ դրական զանգվածը պահպանելու կամք կա։
