Արմինֆո.Հայաստանի բանկերը սկսել են ավելի դանդաղ ավելացնել տնտեսության վարկավորումը, փոխարենը, կրկնապատիկ թափով ավելացնելով սպառողական վարկավորումը։
Այսպես, տնտեսության մեջ վարկային ներդրումների աճը 2024 թվականին դանդաղել է 23%-ից մինչև 18%, ինչին զուգընթաց արագացել է մանրածախ վարկերի աճը՝ 18%-ից մինչև 33%։ Եվ, փաստորեն, հաշվետու տարում ընդհանուր վարկային պորտֆելի աճի դրայվերի էստաֆետը կորպորատիվ վարկավորումից անցել է մանրածախ վարկավորմանը։ Նման վարկային ակտիվության արդյունքում հաջողվել է ոչ միայն պահպանել այդ գծով եկամուտների երկնիշ աճը, այլև փոքր-ինչ արագացնել դրանց աճի տեմպերը, ինչն, իր հերթին, թույլ է տվել զուտ շահույթի տարեկան դինամիկան 11% անկումից հասցնել 61% լուրջ աճի և 2024 թվականի արդյունքներով ապահովել 915.8 մլն դոլարի ցուցանիշ։ Այդ մասին են վկայում հրապարակված ֆինանսական հաշվետվությունների և լրացուցիչ հարցված ցուցանիշների հիման վրա ԱրմԻնֆո-ի պատրաստած Հայաստանի բանկերի ֆինանսական վարկանիշի 31.12.2024 թ. վերլուծական տվյալները:
Ինչպես նշում են գործակալության վերլուծաբանները, հենց մանրածախ վարկավորման ավելի ուժեղ աջակցությունն է թույլ տվել ընդհանուր վարկային պորտֆելի տարեկան աճի արագացում՝ 18 տոկոսից մինչեւ 22 տոկոս: Այս տեմպը կարող էր ավելի բարձր լինել, եթե չլիներ միջբանկային վարկերի ծավալի կրճատումը և տնտեսության վարկավորման աճի որոշակի արգելակումը։ Արդյունքում՝ վարկային ներդրումների ընդհանուր ծավալը հասել է 17.7 մլրդ դոլարի, որի 51%-ը կամ 9 մլրդ դոլար բաժին է ընկել կորպորատիվ վարկերին, ավելի քան 43% կամ 7.6 մլրդ դոլար' մանրածախ վարկերին, եւ 6% կամ 1.1 մլրդ դոլար' միջբանկային վարկերին/ավանդներին:
Համախառն բանկային ակտիվները հասել են 27.8 մլրդ դոլարի' տարեկան կտրվածքով աճի կտրուկ արագացմամբ՝ 9.4%-ից մինչև 20%, ինչը բխել է ոչ միայն վարկավորման ակտիվությունից, այլև հետագա հիմնական հոդվածների դինամիկայի արտահայտված բարելավումից. Արժեթղթերում ներդրումներ' 3.5% անկումից մինչեւ 18.2% աճ (մինչև 5.2 մլրդ դոլար), մնացորդները ՀՀ ԿԲ թղթակցային հաշիվներում' 24.3% անկումից մինչեւ 22.3% աճ (մինչև 2.2 մլրդ դոլար), մնացորդները ՀՀ ԿԲ - ում' բանկային նոստրո-հաշիվներում՝ 3%- անկումից մինչեւ 11% աճ (մինչև 759.6 մլն դոլար), կանխիկ դրամական միջոցները՝ 5.4%-անոց անկումից մինչեւ 10% աճ (մինչև 590.9 մլն դոլար): Եվ միայն ոչ գերիշխող ակտիվների գծով դիտվել է տարեկան աճի արգելակում. առարկայազուրկ մետաղական հաշիվների մնացորդները՝ 3,8 անգամից մինչև 3% (մինչև 2 մլն դոլար), և հիմնական միջոցները՝ 11% - ից մինչև 8% (մինչև 537.1 մլն դոլար)։
