Air Arabia Abu Dhabi-ն հունիսի 1-ից ուղիղ չվերթով կկապի Հայաստանի եւ ԱՄԷ մայրաքաղաքները

Արմինֆո. «Air Arabia Abu Dhabi» ավիաընկերությունը ս.թ. հունիսի 1-ից մեկնարկելու է Աբու դաբի–Երևան-Աբու Դաբի երթուղով չվերթերը: Այդ մասին հաղորդում է "Զվարթնոց" միջազգային օդանավակայանի մամուլի ծառայությունը։

«Չվերթերը կիրականացվեն շաբաթական 6 չվերթ հաճախականությամբ՝ յուրաքանչյուր երկուշաբթի, չորեքշաբթի, հինգշաբթի, ուրբաթ, շաբաթ և կիրակի: Ավիատոմսերի համար՝ airarabia.com», - ասվում է հաղորդագրությունում:

Նշենք, որ Air Arabia Abu Dhabi-ն արաբական բյուջետային ավիաընկերություն է, որի կենտրոնակայանը գտնվում է Շարժա քաղաքում: Այն հիմնադրվել է 2019 թվականի հոկտեմբերին ՝ բյուջետային թռիչքների աճող շուկա մուտք գործելու համար ։ Ընկերությունն իր գործունեությունը սկսել է 2020 թվականի հուլիսին ։

Երթուղային ցանցն ընդգրկում է ավելի քան 220 ուղղություն Մերձավոր Արևելքում, Հյուսիսային Աֆրիկայում, Ասիայում և Եվրոպայում: Պարկը բաղկացած է 81 ինքնաթիռներից՝ 72 Airbus A320 և 9 A321 Neo LR ինքնաթիռներից։

Air Arabia Abu Dhabi-ն թռիչքներ է իրականացնում հինգ հիմնական հանգույցներից ՝ ԱՄԷ-ի Շարժա միջազգային օդանավակայանից, ԱՄԷ-ի Ռաս էլ Խայմա միջազգային օդանավակայանից, Մարոկկոյի Կասաբլանկա Մուհամեդ V միջազգային օդանավակայանից, Ալեքսանդրիայի Բորգ էլ Արաբ միջազգային օդանավակայանից՝ Եգիպտոսում, և ԱՄԷ-ի Աբու Դաբիի միջազգային օդանավակայանից: