Արմինֆո. ՀՀ տարածքային կառավարման և ենթակառուցվածքների նախարար Դավիթ Խուդաթյանն ընդունել է Միջազգային տրանսպորտային ֆորումի (ITF) գլխավոր քարտուղար Յոնգ Թե Կիմին և ITF ավտոմոբիլային տրանսպորտի խմբի ղեկավար Յուստաս Ռասոմավիչյուսին։
Նախարարը ողջունել է հյուրերին և շնորհակալություն է հայտնել տրանսպորտի ոլորտում և հատկապես Որակի Խարտիայով նախատեսված պահանջներին համապատասխան օրենսդրական բարեփոխումներին աջակցելու համար։
ՏԿԵՆ հաղորդագրության համաձայն, Խուդաթյանը պատրաստակամություն է հայտնել հաջորդիվ էլ շարունակել ITF-ի հետ համագործակցությունն այս ոլորտում։
ITF-ը տնտեսական համագործակցության և զարգացման կազմակերպության (OECD) միջկառավարական կազմակերպություն է և այն գործում է որպես տրանսպորտային քաղաքականության ուղեղային կենտրոն և կազմակերպում է տրանսպորտի նախարարների տարեկան գագաթնաժողովը:
