Ֆինանսների նախարարությունը կրկին սրբագրում է "Պետական պարտքի մասին" օրենքը

Արմինֆո. ՀՀ ֆինանսների նախարարությունը շրջանառության մեջ է դրել "Պետական պարտքի մասին" նոր օրինագիծ, որի շրջանակում կառավարության երաշխավորությամբ տրված վարկերը չեն համարվի կառավարության պարտքի մաս: Այդ մասին հայտարարել ֆինանսների նախարար Վահե Հովհաննիսյանը՝ մայիսի 2-ին մամուլի ասուլիսում պատասխանելով ԱրմԻնֆո-ի հարցին:

Հիշեցնենք, որ 2015 թվականի ամռանը ՀՀ Ազգային ժողովն ընդունել էր "Պետական պարտքի մասին" ՀՀ օրենքում փոփոխություններ, և "պետական պարտք" հասկացությունը փոխարինվել էր կառավարական պարտքով: Նախորդ օրենքը սահմանափակում էր արտաքին պարտքի ծավալը ՀՆԱ-ի նկատմամբ 60% - ի սահմաններում, այսինքն, օրենքը թույլ չէր տալիս, որ կառավարության և Կենտրոնական բանկի վերցրած պարտքերը միասին գերազանցեն երկրի ՀՆԱ-ի 60% - ը։ Այսպիսով, մեխանիկական փոփոխությունների արդյունքում արձանագրվել էր, որ Հայաստանի արտաքին պարտքը չի գերազանցել թույլատրելի շեմը,  դրանով իսկ կառավարությանը թողնելով նոր վարկային միջոցներ ներգրավելու հնարավորություն, իսկ ԿԲ-ն լրացուցիչ հնարավորություններ էր ստացել նոր փոխառությունների համար։

Իսկ այժմ Հայաստանի կառավարությունը՝ ի դեմս Ֆինանսների նախարարության, որոշել է հերթական անգամ վերանայել օրենքը և կառավարության պարտքի հասկացությունից դուրս հանել նաև պետական երաշխիքներով տրված վարկերը ։

"Դա ընդունված պրակտիկա է, եւ մենք ցանկանում ենք "Պետական պարտքի մասին" մեր օրենքը համապատասխանեցնել միջազգայնորեն ընդունված սահմանումներին", - հայտարարել է նա:

Մինչդեռ, 2025 թվականի 3 ամիսների ընթացքում Հայաստանի պետական պարտքը դոլարային արտահայտությամբ աճել է մոտ 739 մլն դոլարով՝ 2024 թվականի վերջի 12 մլրդ 842.2 մլն դոլարից հասնելով 13 մլրդ 581.1 մլն դոլարի։ Դրամային համարժեքով ցուցանիշը 5 տրլն 092.7 մլրդ դրամից աճել է մինչև 5 տրլն  318,2 մլն դրամ: Կառավարության պարտքը ս.թ. մարտի վերջին ամերիկյան արժույթով աճել է 12 մլրդ 338.2 մլրդ - ից (391,59 դրամ/1դոլար) մինչև 13 մլրդ 070,6 մլնդոլար (732 մլն դոլարով), իսկ դրամով' 4 տրլն 892.8 մլրդ-ից մինչև 5 տրլն 118,3 մլրդ: ԱՄՆ դոլարի հաշվարկային փոխարժեքը կազմել է 393,26 դրամ մեկ դոլարի դիմաց ։