Հայաստանում բնակչության բնական աճը շարունակում է էապես նվազել

Արմինֆո.Հայաստանում շարունակում է էապես նվազել բնակչության բնական աճը։ Այդ մասին են վկայում ՀՀ վիճակագրական կոմիտեի տվյալները։

Մասնավորապես, 2025թ. առաջին եռամսյակում երկրում ծնվել է 7 302 երեխա, ինչը 8.8% - ով ցածր է նախորդ տարվա ցուցանիշից: Հաշվետու ժամանակահատվածում ծնելիության գործակիցը 1000 բնակչի հաշվով կազմել է 9,6 պրոմիլ՝ մեկ տարի առաջվա 10,8 պրոմիլի դիմաց։

Ընդ որում, հաշվետու ժամանակահատվածում Հայաստանում մահացել է 7 121 մարդ, ինչը 2,3 տոկոսով բարձր է նախորդ տարվա ցուցանիշից: Երկրում մահացության գործակիցը կազմել է 9,4 պրոմիլ՝ ինչպես մեկ տարի առաջ։

2025թ. առաջին եռամսյակի վիճակագրական տվյալների համաձայն,  բնակչության բնական աճի բացարձակ մեծությունը կազմել է 181 մարդ՝ տարեկան կտրվածքով նվազելով 82,6% - ով։ Բնակչության բնական աճի գործակիցը հաշվետու ժամանակահատվածում կազմել է 0,2 պրոմիլ՝ մեկ տարի առաջվա 1,4 պրոմիլի դիմաց։