Հայաստանի ապահովագրական հատվածի զուտ շահույթը 2025թ. 1-ին եռամսյակում աճել է տարեկան 82,3% - ով՝ մինչեւ 2,1 մլն դոլար

Արմինֆո. Հայաստանի ապահովագրական հատվածի զուտ շահույթը 2025թ. առաջին եռամսյակում աճել է տարեկան 82,3% - ով (մեկ տարի առաջվա 73% անկման դիմաց) և հասել 807,2 մլն դրամի (2,1 մլն դոլար)։ Դա ապահովագրավճարների տարեկան  անկման 19%-ից մինչև 7% խիստ դանդաղման  (20.9 մլրդ դրամ կամ 53.4 մլն դոլար) և փոխհատուցումների դինամիկայի 43% աճից դեպի 0.2% անկում շրջադարձի արդյունք էր (10.3 մլրդ դրամ կամ 26.2 մլն դոլար)։ Այդ մասին են վկայում ԱրմԻնֆո-ի պատրաստած Հայաստանի ապահովագրական ընկերությունների ֆինանսական վարկանիշի 31.03.2025 տվյալները, որոնք հիմնված են հրապարակված ֆինանսական հաշվետվությունների և ԱԸ-ներից լրացուցիչ պահանջված տվյալների հիման վրա:

Ընդ որում, միայն 2025թ. առաջին եռամսյակում զուտ շահույթն աճել է 42% - ով ՝ ապահովագրավճարների երկնիշ աճի հաշվին՝ փոխհատուցումների համանման անկման պայմաններում, ինչը դիտվել է նաև մեկ տարի առաջ ՝ 2024թ. առաջին եռամսյակում, ինչն, անշուշտ, ունի վառ արտահայտված սեզոնային բնույթ։ Եթե անցյալ տարի դա թույլ տվեց զրոյացնել 2023 թվականի վնասը և հասնել շահույթի (2,6 անգամ աճով), ապա հաշվետու ժամանակահատվածում դա թույլ է տվել բարձրացնել դրական մակարդակը։

2025թ. առաջին եռամսյակի զուտ շահույթի ցուցանիշով առաջնությունը պատկանում է "ԼԻԳԱ Ինշուրանս" ԱԸ-ին՝ 384.5 մլն դրամ, երկրորդ հորիզոնականում է ՌԵԳՈ Ինշուրանսը՝ 155.3 մլն դրամ, երրորդ հորիզոնականում՝ ԷՖԵՍ-ը՝ 139.3 մլն դրամ, չորրորդ հորիզոնականում է Արմենիա Ինշուրանսը՝ 133.5 մլն դրամ, ինչը Նաիրի Ինշուրանսին մղել է հինգերորդ հորիզոնական՝ 36.4 մլն դրամ, և ԻՆԳՈ Արմենիային՝ վեցերորդ տեղ՝ 2.7 մլն դրամ: Եվ միայն "Սիլ Ինշուրանս" ԱԸ-ն է 2025 թվականի 1-ին եռամսյակն ավարտել 44.5 մլն դրամ վնասով։ Այս ապահովագրական ընկերություններից միայն մեկն է կարողացել մեկ տարվա ընթացքում ավելացնել շահույթը (19% - ով), ևս երկուսին հաջողվել է զրոյացնել վնասը և հասնել լուրջ շահույթի (4-9 անգամ աճ), իսկ մնացած չորս ԱԸ-ներից երեքը կրճատել են շահույթը (4-97% - ով), իսկ մեկը շահույթից հասել է վնասի (անկումը գրեթե 3 անգամ): Ընդ որում,  «Էֆես» ԱԸ-ի շահույթի ամենամեծ աճը (9 անգամ) բացատրվում է վնասից դուրս գալով, որն արձանագրվել էր որպես գործունեության առաջին տարվա արդյունք:

Հատկանշական է, որ այս անգամ ապահովագրավճարների ծավալով առաջնությունը պատկանում է "Էֆես" ԱԸ -ին՝ 5.13 մլրդ դրամ՝ երկրորդ հորիզոնական մղելով նախկինում առաջատար "ԼԻԳԱ Ինշուրանս" ԱԸ-ին՝ 3.51 մլրդ դրամ, իսկ երրորդ՝ "Նաիրի Ինշուրանս" ԱԸ- ին՝ 3.45 մլրդ դրամ։ Սակայն փոխհատուցումների ծավալով առաջին երկու հորիզոնականներն զբաղեցնում են "Նաիրի Ինշուրանս" և "ԼԻԳԱ Ինշուրանս" ԱԸ- ները, համապատասխանաբար, 2 մլրդ և 1.9 մլրդ դրամ, իսկ "Էֆես" ԱԸ-ն երրորդ հորիզոնականում է՝ 1.7 մլրդ դրամ։ "Էֆես" ԱԸ-ի նման ակտիվությունը "ԻՆԳՈ"-ի դիրքերի վրա ազդել է ոչ լավագույն ձևով ՝ նրան մղելով հինգերորդ հորիզոնական ապահովագրավճարների,  և վեցերորդ ՝ փոխհատուցումների գծով (այս ցուցանիշներով առաջատարների եռյակում դեռ մեկ տարի առաջ գտնվելու դիմաց)։ Յոթ ԱԸ-ներից (ներառյալ Էֆեսը), ապահովագրավճարները կրճատվել են չորս ընկերությունների կողմից (3-32% - ով, առավելագույնը՝ Սիլ Ինշուրանս), իսկ մյուս երեքի մոտ աճ է գրանցվել (2-68% - ով, առավելագույնը ՝ ՌԵԳՈ Ինշուրանս): Ընդ որում, փոխհատուցումները տարեկան կտրվածքով կրճատվել են 3 ԱԸ-ով (9-45% - ով, առավելագույնը ԻՆԳՈ-ի դեպքում), իսկ մնացած չորսն ավելացրել են այդ ցուցանիշը (0,2-204% - ով, ընդ որում, 2-3 անգամ առավելագույն աճ արձաանագրել են Էֆեսը եւ Ռեգո Ինշուրանսը։

«Էֆես» ԱԸ-ում արձանագրվող և ապահովագրավճարների և հատուցումների աճի տեմպը լիովին բացատրվում է գործունեության առաջին տարում աճող ակտիվությամբ, և հարկ է նշել, որ այս ընկերության պորտֆելը ձևավորվում է ԻՆԳՈ ԱԸ-ից հաճախորդների բազայի կուտակման պատճառով: Այնուամենայնիվ, հիշեցնենք, որ Էֆեսը 90-ականների վերջին անկախ Հայաստանում ապահովագրական շուկա ձևավորող առաջին ընկերություններից էր, սակայն այդ անվան տակ այն գործում էր մինչև Ինգոսստրախին բաժնետոմսերի վաճառքի պահը, և արդեն 2004թ. դեկտեմբերից կոչվում էր ԻՆԳՈ Արմենիա: Սակայն, գրեթե մեկուկես տարի առաջ Էֆեսը վերածնվեց ՝ արագ թափ հավաքելով ԻՆԳՈ-ի (նախկին ԻՆԳՈ Արմենիա) հաճախորդների հաշվին, որի մայր կառույցը հայտնվեց արևմտյան պատժամիջոցների ցուցակներում։