Ֆիցոն Փաշինյանին առաջարկել է համագործակցություն միջուկային էներգետիկայի եւ ՌԱՀ ոլորտում

Արմինֆո.  Սլովակիայի վարչապետ Ռոբերտ Ֆիցոն Հայաստանի իր պաշտոնակից Նիկոլ Փաշինյանին առաջարկել է համագործակցություն միջուկային էներգետիկայի եւ ՌԱՀ ոլորտում: Այդ մասին նա հայտարարել է մայիսի 26-ին Երեւանում Փաշինյանի հետ համատեղ մամուլի  ասուլիսում:

"Երբ մենք նախապատրաստվում էինք այս այցին, ես փորձում էի գտնել այն կետերը, որոնց շուրջ մենք հետագայում կկարողանանք հաջող համագործակցություն հաստատել, եւ շատ ուրախ եմ, որ այն գործարարները, ընկերությունները, որոնք Հայաստան են այցելել պատվիրակության կազմում, կան այնպիսիք, ովքեր ներգրավված են այն ոլորտներում, որտեղ մենք կարող ենք շուտով հասնել փոխշահավետ համագործակցության", - հայտարարել է նա:

Անդրադառնալով միջուկային էներգետիկայի ոլորտում համագործակցության հեռանկարների մասին Փաշինյանի հայտարարությանը՝ Ֆիցոն հայտարարել է, որ Հայաստանն ու Սլովակիան ունեն նույն տեսակի ռեակտորներ։

"Ես տեղեկացրել եմ, թե ինչ ենք նախատեսում անել Սլովակիայում մեր ԱԷԿ-ի հարցով։ Մենք խոսեցինք այն մասին, թե ինչ անել աշխատած միջուկային վառելիքի հետ: Մենք ունենք մասնագիտացված ընկերություններ, եկեք նրանց համատեղ ջանքերով լավ համագործակցություն հաստատենք", - ասել է նա։

Համագործակցության երկրորդ ուղղությունը, նրա խոսքով, կարող է դառնալ ռազմարդյունաբերական համալիրի ոլորտը։ "Եթե մենք զենք չարտադրենք, դա կանի մեկ ուրիշը, իսկ մենք ստիպված կլինենք նրանցից գնել", - նշել է նա։ Կարելի է կենտրոնանալ նաեւ պաշտպանության ոլորտը ենթակառուցվածքներով ապահովելու վրա, հավելել է նա։