Նարեկ Կարապետյան. գրեթե բոլոր ենթակառուցվածքային ընկերությունները բարձրացրել են իրենց ծառայությունների գները՝ բացառությամբ ՀԷՑ-ի

Արմինֆո.Գրեթե բոլոր ենթակառուցվածքային ընկերությունները, բացառությամբ "Հայաստանի էլեկտրական ցանցեր" ՓԲԸ-ի, անցած 8-9 տարիների ընթացքում բարձրացրել են իրենց ծառայությունների գները։ Այդ մասին իր տեսաուղերձում հայտարարել է "ՀԷՑ" ՓԲԸ տնօրենների խորհրդի նախագահ Նարեկ Կարապետյանը։

Նրա ասելով՝ ազգայնացումից հետո "Հայփոստը" վերջին 10 տարում գրեթե երկու անգամ բարձրացրել է իր սակագները, "Վեոլիա ջուրը" վերջին 5-6 տարում սաակագները բարձրացրել է 10 տոկոսով, "Հայաստանի բարձրավոլտ ցանցեր" ՓԲԸ-ը՝ 80 տոկոսով, իսկ ՀԷՑ-ը նույն մակարդակի վրա է պահել սակագինը: Դրան հաջողվել է հասնել, առավելապես, կորուստների մակարդակի իջեցման հաշվին։ Շատ հաճախ, ինչպես նշել է Կարապետյանը, էլեկտրաէներգիայի անջատումները տեղի են ունենում ոչ ընկերության մեղքով։ "Օրինակ ՝ ատոմակայանը էլեկտրաէներգիա է արտադրում, պետական "Բարձրավոլտ էլեկտրացանցեր" ընկերությունը այն փոխադրում է այս կամ այն քաղաք, որտեղ հետո այն հանձնում է ՀԷՑ-ին, որն էլ կազմակերպում է էլեկտրաէներգիայի մատակարարումը։ Խոշոր վթարները, հիմնականում, պետական ԲԷՑ-ում, որոնք տեղի են ունեցել մայիսին, ինչպես նաև մի քանի օր առաջ: Եթե խնդիրը ողջ շրջանում է, ապա պատճառը ԲԷՑ-ում է, իսկ եթե մի քանի շենքերում՝ ապա ՀԷՑ-ում", - հայտարարել է նա։

Տնօրենների խորհրդի նախագահը նաեւ ընդգծել է, որ եթե լինում է վթար, որի հետևանքով էլեկտրաէներգիան անջատվում է մեծ թվով մարդկանց մոտ, ապա դա չի կարող տեղի ունենալ ընկերության պատճառով, քանի որ ՀԷՑ-ը բաղկացած է փոքր ենթակայաններից, որոնք էլեկտրաէներգիա են մատակարարում թաղամասերին: Նրա խոսքով՝ ներդրվել է էլեկտրաէներգիայի հաշվիչների թվային համակարգ, որին առցանց ռեժիմով միացված է 800 000 մարդ։ Արդյունքում, եթե մարդը չի վճարել, նրա տան էլեկտրաէներգիան ավտոմատ անջատվում է, այն ավտոմատ կերպով էլ միանում է։ Այն մարդիկ, ովքեր չեն վճարել էլեկտրաէներգիայի դիմաց, արդեն սկսել են վճարել։ "Դրա շնորհիվ տարեկան հաջողվում է խնայել 40 մլն դոլար։ Եթե մենք դա չանեինք, ապա վերջին 8-9 տարիների ընթացքում մարդիկ ստիպված կլինեին լրացուցիչ 40 մլն դոլար հավաքել էլեկտրաէներգիայի դիմաց", - նշել է Նարեկ Կարապետյանը։