Հայաստանի արտարժույթի միջբանկային շուկայում 2025թ. հունիսի 30-ից մինչեւ հուլիսի 4-ը դոլարային գործարքներն աճել են, իսկ ռուբլով գործարքներն սկսել են նվազել

Արմինֆո.Հայաստանի արտարժույթի միջբանկային շուկայում 2025թ. հունիսի 30-ից մինչեւ հուլիսի 4-ն ընկած ժամանակահատվածում դոլարային գործարքներն աճել են, իսկ ռուբլով գործարքներն սկսել են նվազել։ Եվրոյով գործարքներ արդեն մեկ ամսից ավելի չեն իրականացվում։ Մասնավորապես, ռուբլով գործարքների շաբաթական թրենդը ծավալվել է 5,3 անգամ աճից դեպի 48 տոկոս անկում, իսկ դոլարային գործարքները, ընդհակառակը, աճել են 3,5 անգամ (մեկ շաբաթ առաջվա 41 տոկոս անկման դիմաց) ։ Արդյունքում՝ դոլարային գործարքները կրկին սկսել են գերակշռել ռուբլով գործարքների նկատմամբ՝ 3,2 անգամ, այն դեպքում, երբ մեկ շաբաթ առաջ պատկերը հակառակ էր.  Ռուբլով գործարքները 2 անգամ գերազանցում էին դոլարային գործարքներին։

Դրան զուգընթաց, արտարժույթի ներբանկային շուկայում հաշվետու շաբաթվա ընթացքում (30.06-04.07.25, 23.06.25 - 27.06.25-ի համեմատ) դոլարի առքը սկսել է նվազել վաճառքի աճի դանդաղման պայմաններում, եվրոյի առքն, ընդհակառակը, աճի է հասել՝ վաճառքի աճի արգելակման դեպքում, իսկ ռուբլով գործարքներում և առքը, եւ վաճառքը հայտնվել են անկման մեջ։

Արդյունքում՝ ս.թ. հունիսի 30-ից միչեւ հուլիսի 4-ն ընկած ժամանակահատվածում դրամն ավելի է ամրապնդվել ինչպես դոլարի նկատմամբ' 384,5-ից մինչև 383,8 դրամ/1դոլար, այնպես էլ ռուբլու նկատմամբ' 4,85-ից մինչև 4,83 դրամ/1 ռուբլի, միաժամանակ շարունակելով թուլանալ եվրոյի նկատմամբ' 446,5-ից մինչև 450,5 դրամ/1 եվրո: Մեկ տարի առաջ՝ 2024թ. հուլիսի 4-ին, դրամի փոխարժեքը դոլարի նկատմամբ կազմել է 388 դրամ/1 դոլար, եվրոյի նկատմամբ՝ 419,5 դրամ/1եվրո, և ռուբլու նկատմամբ՝ 4,38 դրամ/1 ռուբլի, ինչը ներկայիս փոխարժեքների համեմատ վկայում է դոլարի նկատմամբ դրամի տարեկան արժևորման և եվրոյի ու ռուբլու նկատմամբ արժեզրկման մասին։